Almaty äkımı - Almatynyŋ 2025 jylǧa arnalǧan biudjetı 2022 jylǧa qaraǧanda 2,2 ese köp

998
Adyrna.kz Telegram
https://adyrna.kz/content/uploads/2024/12/whatsapp-image-2024-12-18-at-12.47.21.jpeg
Almatyda jergılıktı biudjet kırısterınıŋ ösuı aǧymdaǧy jyldyŋ 11 aiynda 1,7 trln teŋgeden astam ( ösım 21,2% ) qūrady. Būl turaly Ortalyq kommunikasiialar qyzmetınde ötken brifing barysynda Almaty äkımı Erbolat Dosaev mälımdedı. «Jeltoqsan aiynyŋ basynda mäslihatqa Almatynyŋ 2025-2027 jyldarǧa arnalǧan biudjetı engızıldı. Elımızdıŋ tarihynda alǧaş ret 2025 jylǧa arnalǧan qalalyq biudjet 2,2 trln teŋgeden asty. Būl 2022 jyldyŋ basymen salystyrǧanda 2 ese joǧary», - dep atap öttı Erbolat Dosaev. Onyŋ aituynşa, 2023 jyldyŋ basynan berı Almaty qalasynyŋ äkımdıgı ırı infraqūrylymdyq jobalardy ıske asyru üşın jobalyq qūjattardy daiyndau boiynşa ülken jūmys jürgızdı. Nätijesınde, 2025 jyly damu biudjetı 2022 jylǧa qarai 2,2 esege ösıp, 458 mlrd teŋgege jettı. «Memleket basşysy aǧymdaǧy jyldyŋ qaraşa aiynda azamattardyŋ äl-auqatyn üdemelı arttyrudyŋ basym mındetın nazarda ūstau qajettıgın atap öttı. Qala biudjetı özınıŋ äleumettık baǧdarlanuyn saqtaidy, oǧan 2025 jyly 40% – dan astam nemese 894,3 mlrd teŋge, 2022 jylǧa qarai 1,8 ese, ülesı - 40,2%», - dep tolyqtyrdy Almaty äkımı. Eske salsaq, aǧymdaǧy jyldyŋ 6 jeltoqsanynda Almatynyŋ 2025-2027 jyldarǧa arnalǧan biudjetı bekıtılgen qalalyq mäslihattyŋ kezekten tys otyrysy öttı.
Pıkırler