Aqmola oblysynda sybailas jemqorlyqqa qarsy ıs-qimyl boiynşa 6 syrtqy taldau men 4 antikorparativtı monitoring jürgızıldı. Būl şaralar äleumettık maŋyzdy salalardaǧy jemqorlyq täuekelderın anyqtauǧa baǧyttalǧan. Būl turaly oblystyq Sybailas jemqorlyqqa qarsy ıs-qimyl departamentınıŋ basşysy Ashat Orazhan brifingte mälımdedı, dep habarlaidy Öŋırlık kommunikasiialar qyzmetınen.
Departament jürgızgen taldaular nätijesınde 56 ūsynys pen keŋes engızılıp, memlekettık organdar men jergılıktı atqaruşy organdarǧa sybailas jemqorlyq täuekelderın joiu boiynşa naqty qadamdar jasaldy.
«Būl mäseleler äsırese joldardy jöndeu men salu kezınde kezdesıp otyr, sonyŋ ışınde josparlau, baqylau jäne kütıp ūstau prosesterınde. Aqmola oblysynyŋ äkımdıgımen bırlesıp, būl mäselelerdı şeşuge baǧyttalǧan jospar äzırlenıp, jüzege asyryluda»,-dedı spiker.Sonymen qatar, öŋırde auyl şaruaşylyǧyna qatysty sybailas jemqorlyq täuekelderı de taldanyp, 300-den astam fermerdıŋ qūqyqtary qalpyna keltırıldı. Būl üşın fermerlerge auyl şaruaşylyǧy ministrlıgı arqyly subsidiialar alu üşın qaita ötınım beruge mümkındık berıldı. Qazır 600 million teŋgeden astam qarjynyŋ bölınuıne jaǧdai jasalypty. Ashat Orazhannyŋ mälımetınşe Aqmola oblysyndaǧy bılım salasyndaǧy sybailas jemqorlyq täuekelderıne qarsy äreketter de jalǧastyryluda.
«Bılım basqarmasy memlekettık tapsyrystar men biudjettık ötınımderdı ūsynu tärtıbın rettedı, sondaqtan da būl salada sybailas jemqorlyqtyŋ aldyn alu boiynşa maŋyzdy qadamdar jasaldy. Ärı qarai osy salada baqylau küşeitılıp, biudjet qarajatynyŋ dūrys jūmsaluyna kepıldık berıledı»,-dedı ol.Departament biylǧy jyly «Bizneske jol» jobasyn jüzege asyruda da belsendı jūmys atqardy. Būl jobanyŋ negızgı maqsaty — käsıpkerlerdıŋ qūqyqtaryn qorǧau jäne olardyŋ biznes jürgızuıne kedergı keltıretın äkımşılık kedergılerdı joiu. Biylǧy jyly 616 käsıpkerdıŋ qūqyqtary qorǧalyp, 8 lauazymdy tūlǧa jauapkerşılıkke tartyldy. Sonymen qatar, departament memlekettık satyp alularda da mūqiiat baqylau jürgızıp, qazyna qarajatynyŋ tiımsız jūmsaluyn aldyn aluda. 2024 jyly memlekettık satyp alu barysynda 1,2 milliard teŋge ünemdeldı. Qūqyqtyq nasihat jūmystary da sybailas jemqorlyqpen küresudıŋ maŋyzdy baǧyttarynyŋ bırı bolyp tabylady. Aqmola oblysynda osy maqsatta jyl boiy «Mobildı antikorrupsiialyq top» jobasy jüzege asyryldy. Būdan bölek, sybailas jemqorlyqpen küreske baǧyttalǧan qoǧamdyq monitoringtı damytu üşın departament «Antikorrupsiialyq volonter» jobasyn qolǧa aldy. Volonterler oblystaǧy köptegen memlekettık baǧdarlamalar men jobalardyŋ ıske asyryluyn baqylap, 619,4 million teŋge ünemdeuge kömektestı. Sonymen qatar, 877 azamatqa zaŋ kömegı körsetıldı. Sybailas jemqorlyqqa qarsy jūmys aldaǧy uaqytta da jalǧasa bermek. Jemqorlyqtyŋ aldyn alu jäne ony joiu maqsatynda barlyq memlekettık organdar men qoǧam belsendılerı bırıgıp, Qazaqstannyŋ äl-auqaty men äleumettık ädılettılıgın arttyru jolynda jūmys ısteidı. Osy baǧytta qabyldanyp jatqan şaralar azamattardyŋ memleketke degen senımın küşeitıp, elımızdıŋ ekonomikalyq tūraqtylyǧyn nyǧaituǧa baǧyttalǧan.
