Aqmola oblysynda tabiǧi monopoliialar salasynda tiımdı reformalar baiqalady

Qazaqstan Respublikasy Ūlttyq ekonomika ministrlıgı Tabiǧi monopoliialardy retteu komitetınıŋ Aqmola oblysy boiynşa departamentı tabiǧi monopoliialar salasyndaǧy tiımdı retteudı qamtamasyz etıp, ekonomikanyŋ monopoliialyq sektorynda aşyqtyq pen tūraqtylyqty arttyruǧa baǧyttalǧan şaralar qabyldauda. Būl turaly oblystaǧy departament basşysy Asylbek Quandyqūly  brifingte mälımdedı, dep habarlaidy Öŋırlık kommunikasiialar qyzmetınen. Departamenttıŋ basty mındetı — halyqtyŋ müddesın qorǧau, tarif saiasatyn tūraqtandyru, energiia men resurstardy ünemdeudı nasihattau, sondai-aq investisiialyq tartymdylyqty arttyru bolyp tabylady. Memleket basşysynyŋ tapsyrmalaryna säikes, Tabiǧi monopoliialar turaly zaŋǧa engızılgen özgerıster aşyqtyqty arttyryp, tūtynuşylardyŋ qarajatyn maqsatty paidalanuǧa baqylaudy küşeituge mümkındık berdı. Aqmola oblysynda 71 tabiǧi monopoliialar subektısı qyzmet körsetedı, olar 165 retteletın qyzmet türın ūsynady. Būl qyzmetterge jylumen qamtamasyz etu , elektr energiiasyn beru jäne taratu, sumen qamtamasyz etu jäne sudy būru , podezd joldary , gazdy tasymaldau, su aǧyndaryn retteitın gidrotehnikalyq qūrylǧylar , sondai-aq qoǧamdyq maŋyzdy naryqtaǧy 9 subekt kıredı. Tabiǧi monopoliialar turaly Zaŋǧa säikes, departament tabiǧi monopoliialar subektılerınıŋ jyldyq tariftık smetalardyŋ oryndaluyn baqylap, esepterdı tekserıp otyrady. Mäselen, ötken jyly tabiǧi monopoliialar subektılerınıŋ oryndalmaǧan tariftık smetalary 1,6 milliard teŋgenı qūraǧan, al biylǧy jyly būl körsetkış 1,86 milliard teŋgege jettı. Būl qarjy tūtynuşylarǧa uaqytşa kompensatorlyq tarifter arqyly qaitaryldy. İnvestisiialyq baǧdarlamalar aiasynda 2024 jyly Aqmola oblysynda infraqūrylymnyŋ tozu deŋgeiı joǧary. Osyǧan orai, «İnvestisiiaǧa aiyrbas tarifı» baǧdarlamasy aiasynda 5,1 mlrd teŋgege investisiialar engızıldı. Kelesı jyly 2 620 km infraqūrylym jaŋartylyp, 15,4 mlrd teŋge jūmsalady Jalaqynyŋ ösuı de nazar audararlyq mäsele ekenın aitty departament basşysy. «2024 jyly jylu, su jäne elektr energiiasy salalarynda qyzmetkerlerdıŋ jalaqysy 47%-dan 116%-ǧa deiın artty. Äleumettık normalar engızılıp, tūrǧyndar üşın jylu, su jäne kärız qyzmetterı boiynşa tölemderge jeŋıldıkter ūsynyldy, būl energiia men resurstardy ünemdeudı yntalandyru maqsatynda jüzege asyryluda»,- deidı Asylbek Quandyqūly. Jalpy Aqmola oblysynda tabiǧi monopoliialar salasyndaǧy tiımdı reformalar tūtynuşylarǧa sapaly qyzmet körsetu, infraqūrylymdy jaŋǧyrtu jäne äleumettık jaǧdaidy jaqsartu üşın jasaluda.