Tegı qate jazylǧan. Jambyl oblysynyŋ tūrǧynyna zeinetaqy beruden bas tartqan

Jambyl oblysynyŋ tūrǧyny eŋbek kıtapşasyndaǧy tegınıŋ dūrys jazylmauyna bailanysty zeinetaqy tölemın beruden bas tartqandyqtan sotqa jügındı, dep habarlaidy "Adyrna" ūlttyq portaly.  Azamattyq ıs Jualy audandyq sotynda qaraldy. "Talapker B. 1985-1998 jyldary Jualy audanynyŋ "P" ūjymdyq şaruaşylyǧynda türlı mamandyqtar boiynşa jūmys ıstegen. Qūjattardy räsımdeu barysynda Zeinetaqy töleu ortalyǧy eŋbek kıtapşasyndaǧy familiianyŋ dūrys jazylmauyn alǧa tartyp, tölem jasaudan bas tartqan", – dep mälımdedı sottyŋ baspasöz qyzmetı. Is qarau barysynda sot er adamnyŋ aty-jönı men atalǧan şaruaşylyqta jūmys ıstegen jyldary körsetılgen arhiv anyqtamasynyŋ bar ekenıne nazar audardy. Talap qanaǧattandyrylyp, eŋbek kıtapşasynyŋ talapkerge tiesılı ekenı tanyldy. Sot şeşımı zaŋdy küşıne engen joq.