Qaraǧandy oblysynda 13 qap marihuana esırtkısın tasymaldauşylar ūstaldy.

Qaraǧandy – Astana avtojolynda ırı kölemdegı marihuanamen esırtkı tasymaldauşylar ūstaldy, dep habarlaidy "Adyrna" ūlttyq portaly Qaraǧandy oblysynyŋ Polisiia departamentıne sılteme jasap.  Küdıktıler mıngen avtokölık trassada toqtatylǧan. Audi A6 avtokölıgınıŋ ışınde Jambyl oblysynyŋ 38 jastaǧy ekı tūrǧyny bolǧan. Toqtatu kezınde olardyŋ jüikelerı syr berıp, küdık tuǧyzǧan. Qaraǧandy oblysynyŋ polisiia qyzmetkerlerı avtokölıktıŋ salony men jüksalǧyşyn tekseru barysynda 13 qap ösımdık tektes zat tapty. Saraptama qorytyndysy boiynşa tärkılengen zattyŋ jalpy salmaǧy 266 kilogramnan asatyn keptırılgen marihuana ekenı anyqtaldy. «Būl fakt boiynşa qylmystyq ıs qozǧaldy. Prokuraturanyŋ kelısımımen küdıktılerge qamauda ūstau türındegı būltartpau şarasy taǧaiyndaldy. Qaraǧandy oblysynyŋ polisiia departamentı esırtkı qylmystarymen küres jäne qūqyqtyq tärtıptı qorǧau boiynşa jūmysyn jalǧastyruda, aimaq tūrǧyndarynyŋ qauıpsızdıgın qamtamasyz etıp otyr», – dep mälımdedı Qaraǧandy oblysy PD baspasöz qyzmetı. Jyl basynan berı Qaraǧandy oblysynda zaŋsyz ainalymnan 446 kilogramm türlı esırtkı zattary tärkılengen. Onyŋ ışınde 100 kilogramnan astam gaşiş, 180 kilogramnan astam marihuana jäne 12 kilogramm sintetikalyq esırtkı bar. Esırtkı zattarynyŋ zaŋsyz ainalymyna bailanysty 130-dan astam adam ūstalǧan, olardyŋ ışınde 11 jasöspırım men 12 äiel bar ekenı de vedomstvonyŋ habarlamasynda aityldy.