«Ruhani jaŋǧyru» baǧdarlamasynda elımız 2025 jyldan bastap latyn älıpbiıne köşetını taiǧa taŋba basqandai jayldy. Sondyqtan da qazırgı taŋda latyn älıpbiıne bailanysty öŋır-öŋırde auqymdy jūmystar atqarylyp jatyr.
Mäselen Jambyl oblysy boiynşa latyn grafikasyna negızdelgen qazaq tılı älıpbiınde jalpyhalyqtyq diktant jazu aksiiasyna 112 myŋnan asa adam qatysty. Oblys äkımdıgınıŋ tılderdı damytu basqarmasynyŋ ūiymdastyruymen ötken aksiia «Jaŋa qazaq älıpbiı – ruhani jaŋǧyrudyŋ bastauy» taqyrybyna negızdeldı.
Şara latyn grafikasyndaǧy qazaq tılı älıpbiınıŋ, «Qazaq tılı emlesınıŋ negızgı erejelerı» jobasynyŋ praktikalyq tūrǧyda meŋgerıluın jan-jaqty qamtu, naqtylai tüsu, halyqty beiımdeu maqsatynda ūiymdastyryldy.
Oblystyq tılderdı damytu basqarmasy basşysynyŋ mındetın atqaruşy Medet Atennyŋ aituynşa, latyn älıpbiı boiynşa Jambylda keşendı jūmystar atqarylyp jatyr. Sonyŋ bır dälelı oblystyŋ on audany men Taraz qalasynan 112 myŋnan astam adam qatysqan jatjazu aksiiasy.
«Latyn älıpbiınen diktant jazǧandardyŋ qatarynda Taraz qalasy men audandarynyŋ memlekettık qyzmetkerlerı, mädeniet, densaulyq saqtau, bailanys, qarjy, qūqyq qorǧau, sport, qūrylys, kölık, tötenşe jaǧdai jäne taǧy basqa salalardyŋ, halyqqa qyzmet körsetu ortalyqtarynyŋ qyzmetkerlerı bar. Sondai-aq şaraǧa joǧary, arnauly orta oqu oryndarynyŋ oqytuşylary men studentterı, 15 jastan asqan mektep oquşylar belsendı qatysty. Qatysuşylar bır mezette belgılengen taqyryp aiasynda diktant jazdy. Qatysuşylar halyqpen tıkelei jūmys ısteitın qyzmetkerler bolǧandyqtan latyn qarpın olardyŋ bırınşı kezekte meŋgeruı maŋyzdy. Ūiymdastyruşylar, latynşa diktant jazuǧa kelgender zaman talabyna sai bılımdı bolu kerek dep oilaimyn. Būl – özımızdıŋ bastamamyzdan tuyndaǧan oblystyq şara», – deidı Medet Aten.
Jalpyhalyqtyq barlyq audandar men oblys ortalyǧynda bır mezette ötkızıldı. Medet Atennyŋ aituynşa, aldaǧy uaqytta atalǧan aksiia jalǧasyn tabatyn bolady.
Elımız üşın latyn älıpbiıne köşu öte maŋyzdy şarua. Sondyqtan da bilık latyn älıpbige köşuge airyqşa nazar audaryp otyr. Mäselen 2020 jyldan bastap mektepterdıŋ daiarlyq synyptary latyn älıpbiınde bılım ala bastaidy. 2021 jyly 1 synyp, 2022 jyly 2 synyp, 2023 jyly 3 synyp, 2024 jyly 4 synyp jäne 2025 jyly barlyq synyptar latyn älıpbiınde oqidy.
«ADYRNA»
ūlttyq portaly
