AQŞ elşılıgı BAQ-ty qarjylandyru turaly aitty. Japarov ony ükımetke beruın sūraǧan

AQŞ-tyŋ Qyrǧyzstandaǧy elşılıgı prezident Sadyr Japarovtyŋ jergılıktı täuelsız BAQ-ty «Amerikanyŋ qarjylandyruy» turaly aiyptauyna jauap bere otyryp, jurnalisterge qarjylai qoldau körsetetının aitty. Diplomatiialyq missiianyŋ baspasöz qyzmetı osyǧan bailanysty mälımdemenı X äleumettık jelısındegı paraqşasynda jariialady, dep habarlaidy "Adyrna" ūlttyq portaly.  «Jurnalistika salasyndaǧy kömegımız faktcheking baǧdarlamalaryn qarjylandyruǧa, qyrǧyz tılındegı jurnalistikany qoldauǧa jäne qūqyq būzuşylyqtardy, sonyŋ ışınde sybailas jemqorlyqty aşatyn tergeuşı jurnalisterge qoldau körsetuge baǧyttalǧan», – delıngen elşılık mälımdemesınde. Amerikalyq diplomattar sondai-aq täuelsız BAQ azamattardyŋ sūranystaryna tiımdı jauap beru tūrǧysynan bilık üşın maŋyzdy ekenın atap öttı. Sonymen qatar, elşılık baǧdarlamalary Qyrǧyzstan ükımetımen yntymaqtastyqta jüzege asyrylatyny jäne ädılettı, qauıpsız ärı güldengen respublikany qoldauǧa baǧyttalǧany aityldy. 21 jeltoqsanda üşınşı Halyq Qūryltaiynda söilegen sözınde Sadyr Japarov köptegen qyrǧyzstandyq täuelsız basylymdardyŋ «şeteldık demeuşılerı» bar ekenın aitty. Osy sebeptı ol BAQ-ty «söz bostandyǧynan aiyrylǧan» dep atady, öitkenı olar tolyǧymen «ielerıne» baǧynady. «Olar mūnda jalǧan aqparat taratyp, terıs aqparat ızdeidı, basqalardyŋ bedelıne nūqsan keltıredı. Al olarǧa sotqa şaǧym tüsırgende, bırden söz bostandyǧyna qysym jasaldy dep aiyptaidy», – dep atap öttı prezident. Memleket basşysy öz sözın rastau üşın derekter keltırdı, mysaly, «Kloop Media» 2022 jyly AQŞ elşılıgınen $25 250 alǧan. Prezident sondai-aq AQŞ-tan BAQ-ty qoldauǧa qajettı qarajatty Qyrǧyzstan ükımetıne tıkelei berudı ūsyndy. «Bız olardyŋ tiımdı paidalanyluyn qamtamasyz etemız. Jurnalistika deŋgeiın köteru kerek pe? Bız ony jüzege asyramyz. Söz bostandyǧyn tolyq qamtamasyz etkıŋız kele me? Bız ony da kepıldendıremız», – dep sendırdı Japarov.