Jaŋa jyldyq şaralardaǧy ört qauıpsızdık erejelerın esten şyǧarmau maŋyzdy

Jaŋa jyl merekelerı aldynda öŋırde saltanatty şaralar ötetın nysandarda ört qauıpsızdıgın qamtamasyz etu maqsatynda keşendı ıs-şaralar jürgızıledı. Būl şaralardyŋ aiasynda 544 nysan tırkeuge alyndy. Būl turaly brifing barysynda Aqmola oblysynyŋ TJD Ört qauıpsızdıgı basqarmasynyŋ orynbasary, azamattyq qorǧau polkovnigı Erjan Ǧabbas mälımdedı, dep habarlaidy Öŋırlık kommunikasiialar qyzmetınen. Tırkeuge alynǧan nysandardyŋ arasynda 446 bılım beru mekemesı, 34 mädeniet üiı, 6 oiyn-sauyq ortalyǧy, 3 äleumettık nysan, 14 ortalyq alaŋdaǧy nysan jäne 41 dämhana men meiramhana bar. «İnjenerlık-inspektorlyq qūramnyŋ mamandary būl nysandardy ört qauıpsızdıgı erejelerınıŋ saqtaluyn tekseru maqsatynda vizualdy baqylaudan ötkızdı. Tekseru barysynda 154 būzuşylyq anyqtalyp, olardyŋ barlyǧy sol jerde joiyldy», - dedı ört qauıpsızdıgı basqarmasynyŋ orynbasary. Jaŋa jyldyq merekelerdıŋ qauıpsız ötuın qamtamasyz etu üşın 102 adamnan tūratyn 20 jedel top qūrylyp, 15 bırlesken oqu-jattyǧu ötkızıldı, onyŋ ışınde ört söndıru boiynşa taktikalyq sabaqtar da boldy. Merekelerge qatysatyn nysandan üşın 313 jedel jospar men ört söndıru nūsqaulyqtary qaita qaraldy. Sonymen qatar, profilaktikalyq şaralar aiasynda 89 reid jürgızılıp, 279 pirotehnikalyq önım tärkılendı. Zaŋsyz pirotehnikalyq saudamen ainalysqan tūlǧalarǧa qatysty 38 äkımşılık hattama toltyrylyp, 1,7 million teŋgeden astam aiyppūl salyndy. 19 jeltoqsan künı «Atameken» käsıpkerler palatasynda dämhana, meiramhana jäne klubtardaǧy şaralar barysynda ört qauıpsızdıgın qamtamasyz etu mäselelerı talqylanǧan döŋgelek üstel öttı. Memlekettık organdar men jeke biznes ökılderı mereke kezınde qauıpsızdıktı qamtamasyz etu boiynşa ūsynystar aldy. «Barlyq oblys tūrǧyndaryna jaŋa jyl merekesı kezınde ört qauıpsızdıgı erejelerın saqtau maŋyzdy ekenın eske salǧym keledı. Jaŋa jyldyq şyrşany ornatqanda, ony jylytu qūraldarynan jäne qyzdyrǧyştardan alys jerde ornalastyryp, ony senımdı türde tıreu kerek. Şyrşany naǧyz şamdarmen jäne jeŋıl tūtanatyn äşekeilermen, mysaly, qaǧaz girliandalarymen nemese qar ūşqyndarymen bezendıruge bolmaidy. Äşekeiler üşın tek elektr girliandalaryn qoldanǧan dūrys. Sondai-aq pirotehnikalyq būiymdardy sapa sertifikattarymen jäne nūsqaulyqtarymen satyp alu maŋyzdy, olardy tek aşyq auada, ǧimarattardan qauıpsız qaşyqtyqta paidalanu qajet», - dep atap öttı spiker. Aita ketu kerek, jyl saiyn oblys aumaǧynda pirotehnikalyq būiymdardy paidalanu saldarynan ört oqiǧalary oryn alady. Qarapaiym qauıpsızdık erejelerın saqtau arqyly merekenı barşaǧa qauıpsız ötkızuge bolady.