Jospar oryndaldy, qarjy igerıldı: Aqmola oblysynyŋ bılım basqarmasy jūmysyn qorytyndylady

Aqmola oblysynda bılım beru salasynda jyl saiyn jüielı jūmystar jürgızılıp, jospar boiynşa bölıngen qarjy tiımdı igerıledı. Biyl oblysta bılım beru salasyndaǧy strategiialyq qūjattardyŋ negızgı indikatorlary men körsetkışterıne qol jetkızılıp, Memleket basşysynyŋ Joldauynda belgılengen mındetter jüzege asyryluda. Būl turaly oblystyq bılım basqarmasynyŋ basşysy Ainagül Baltaşeva brifingte mälımdedı, dep habarlaidy Öŋırlık kommunikasiialar qyzmetınen. Basqarma basşysynyŋ aituynşa, mektepke deiıngı bılım beru salasynda 2024 jyly 1,5 myŋnan astam jaŋa oryn qūru mındetı qoiylǧan bolatyn. Bügıngı taŋda 1964 oryn qūryldy, būl josparlanǧannan 121%-ǧa köp, iaǧni 341 orynǧa artyq oryndaldy. 2025 jyly qosymşa 840 oryndyq 3 balabaqşa qūrylysy aiaqtalady dep kütılude. Oblys boiynşa 597 mektepke deiıngı bılım beru ūiymynda memlekettık bılım beru tapsyrysy jüzege asyrylyp, ata-analarǧa ortaşa tölem 17805 teŋge kölemınde boldy. 2025 jyldyŋ 1 qaŋtarynan bastap būl somany 19052,4 teŋgege deiın jetkızu josparlanuda, būl mektepke deiıngı ūiymdarda tamaqtanudy jaqsartuǧa mümkındık beredı. «Orta bılım salasynda 139 myŋnan astam oquşy bılım alatyn 534 mektep jūmys ısteidı, al mektep kontingentı ötken oqu jylymen salystyrǧanda 1,5 myŋ oquşyǧa artqan. Oblystaǧy 528 memlekettık jalpy bılım beretın mekteptıŋ 435-ı auyldyq jerlerde ornalasqan, onyŋ 342-sı şaǧyn jinaqtalǧan mektepter», - dedı Ainagül Baltaşeva. Biyl Oqu-aǧartu ministrlıgı 126 maqsatty mekteptı anyqtap, olardyŋ pedagogtarynyŋ bılıktılıgın arttyru jäne zamanaui jabdyqtarmen qamtamasyz etu üşın jobalar ıske asyryluda. Būl jobalar aiasynda 400-den astam pedagog oqytyldy, al 2025 jyly qosymşa kurstar ötkızu josparlanǧan. «Äleumettık osal otbasylardan şyqqan 8142 bala jäne 56154 bastauyş synyp oquşysy tegın ystyq tamaqpen qamtylǧan. Äleumettık osal otbasylardan şyqqan 10 myŋnan astam balabaqşa tärbielenuşılerın tegın tamaqtandyru üşın oblystyq biudjetten 1,8 milliard teŋge bölıngen. Aqmola oblysynda mektepterdegı tamaqtanu baǧasy 2025 jyldyŋ basynan bastap artady. Jospar boiynşa, tamaqtanu qūny bır oquşyǧa 715 teŋgeden 808 teŋgege deiın köterılmek. Būl özgerıs balalardyŋ tamaqtanu sapasyn jaqsartuǧa baǧyttalǧan», - dep tolyqtyrdy spiker. Biyl 10035 oquşy tasymaldaumen qamtamasyz etılgen, al 20 mektep avtobusy satyp alyndy. 2025 jyly avtobus parkı taǧy 9 bırlıkke tolyqtyrylady. Elımızde «Jaily mektep» ūlttyq jobasy aiasynda biyl 12 200 oryndyq 9 bılım beru nysany salynuy josparlanǧan bolatyn, onyŋ 6-y qazırdıŋ özınde ıske qosyldy. Qalǧan 3 mektep jaqyn arada paidalanuǧa berıledı. Sonymen qatar, oblystyq biudjetten 1200 oryndyq mektep aşyldy. Kökşetau qalasynda 2 balabaqşa men joǧary tehnikalyq kolledj üşın 300 oryndyq jataqhana qūrylysy aiaqtaldy. Jyl soŋyna deiın Kökşetau qalasynda taǧy bır 300 oryndyq jataqhana ıske qosylady. Oqytu üşın qolaily ortany qamtamasyz etu maqsatynda aǧymdaǧy jyly oblys boiynşa 113 bılım beru nysanynda kürdelı jäne aǧymdaǧy jöndeu jūmystary jürgızıldı. Būl maqsattarǧa oblystyq jäne respublikalyq biudjetten 12 milliard teŋgeden astam qarjy bölındı. Sonymen qatar, üş jyldyq jospar aiasynda 90 mektep jaŋartylyp, zamanaui jabdyqtarmen qamtamasyz etılude. Erekşe bılım beru qajettılıkterı bar 12 myŋǧa juyq bala bar, olardyŋ 1817-sı mügedek balalar. 2024 jyly 28 inkliuziiany qoldau kabinetı aşylyp, qazırgı taŋda oblysta 84 kabinet jūmys ısteidı. Sonymen qatar, psihologiialyq qoldau ortalyǧy qūrylyp, täulık boiy jūmys ısteitın senım telefony ıske qosyldy. «Tehnikalyq jäne käsıptık bılım beru jüiesınde oblysta 29 kolledj jūmys ısteidı, onyŋ 83%-y tegın oqumen qamtylǧan. 2025 jyly 5700 talapkerdı qabyldau josparlanyp, onyŋ 600-ı nysanaly daiarlyq şeŋberınde qabyldanady»,- dep tüiındedı Ainagül Baltaşeva. Jyl saiyn oblysta 23 myŋnan astam pedagog bılıktılıgın arttyrady. Biyl 5 myŋnan astam pedagog bılıktılık arttyru kurstarynan öttı. Sonymen qatar, qaraşa aiynda Kökşetau qalasynda alǧaş ret pedagogtar sammitı ūiymdastyryldy. Seminarda äleumettık-emosionaldy oqytu, inkliuzivtı bılım beru jäne bılım beru tehnologiialary salasynda halyqaralyq sarapşylardyŋ treningterı ötkızıldı. Aqmola oblysynyŋ bılım beru jüiesı zamanaui talaptarǧa sai damyp, oqu üderısıne innovasiialyq tehnologiialar engızıle otyryp, barlyq bılım beru deŋgeilerınde joǧary sapaly bılım berudı qamtamasyz etu maqsatynda belsendı jūmystar jürgızılude.