Qajyrly eŋbektıŋ memlekettık deŋgeide baǧalanuy barşa käsıp iesıne erekşe şabyt beredı . Būl turaly Memlekettık keŋesşı Erlan Qarin Telegram arnasynda jazdy, dep habarlaidy «Adyrna» tılşısı.
Aituynşa, prezident Ūlttyq qūryltaida söilegen sözderınde eŋbekqorlyq pen käsıbilık qūndylyqtaryn därıpteu qajettıgı turaly ünemı aityp jür.
«Elımızde jūmysşy mamandyqtarynyŋ märtebesı bırtındep artyp keledı. Mūǧalımder men därıgerlerdıŋ jalaqysy kezeŋ-kezeŋımen ösıp jatyr. Öndırıs ozattary men eŋbek dinastiialarynyŋ ökılderıne tūraqty türde memlekettık nagradalar berıledı. Käsıbi merekeler keŋınen atalyp ötıletın boldy.
Bügın Prezident Qasym-Jomart Toqaev tiıstı zaŋǧa qoidy. Endı memlekettık nagradalar jüiesıne (būrynnan bar 6 qūrmettı ataqqa) 9 jaŋa qūrmettı ataq engızıldı. Atap aitqanda, ǧalymdar men önertapqyştarǧa, injenerlerge, säuletşılerge jäne qūrylysşylarǧa, kenşıler men şahterlerge, geologtarǧa, önerkäsıp, kölık, auyl jäne su şaruaşylyǧy salasynyŋ qyzmetkerlerıne berıletın qūrmettı ataqtar qosyldy.
Qajyrly eŋbektıŋ memlekettık deŋgeide baǧalanuy barşa käsıp iesıne erekşe şabyt beredı jäne eŋbek adamynyŋ bedelın odan ärı köteruge septıgın tigızedı. Būl zaŋǧa Memleket basşysy «Jūmysşy mamandyqtar jyly» dep jariialaǧan jaŋa 2025 jyldyŋ qarsaŋynda qol qoiyluynyŋ simvoldyq mänı bar»,—dedı ol.
