Jaŋa jyl qarsaŋynda Maŋǧystau oblysynyŋ äkımı Nūrdäulet Qilybai Halyk banktı öŋırdıŋ äleumettık-ekonomikalyq damuyna qosqan ülesı üşın basqarma töraiymy Ümıt Şaiahmetovany alǧys hatpen marapattady.
Maŋǧystau oblysy Qazaqstan ekonomikasynda maŋyzdy röl atqarady. Bügınde Halyk bank ŞOB sektorynyŋ 50%-dan astamyna nesie berıp otyr. Osylaişa, bank oblystaǧy käsıpkerlıktı damytuǧa qoldau körsetıp keledı. Sondai-aq, Halyk öŋırdegı ötkır äleumettık mäselelerdı şeşuge belsendı qatysady.
Mysaly, 2023 jyly Maŋǧystau oblysynyŋ äkımdıgı men "Halyq" qaiyrymdylyq qory arasynda 4,4 mlrd teŋgege yntymaqtastyq turaly Memorandumǧa qol qoiylǧan bolatyn. Qarajat Beineu astyq terminalynyŋ jūmysyn qaita jandandyrudy qarjylandyru, Jaŋaözen qalasynda tūşylandyru qondyrǧysynyŋ qūrylysyna demeuşılık jasau jäne Tüpqaraǧan audany Aqşūqyr auylynda sudy tūşylandyru zauytynyŋ qūrylysy siiaqty äleumettık maŋyzy bar jobalardy ıske asyruǧa arnalǧan. Sondai-aq, qalada dene şynyqtyru-sauyqtyru keşenın salu josparlanyp otyr. Jaŋaözen jäne Maŋǧystau oblysyndaǧy bırqatar balalar sport-oiyn alaŋdary jäne Beineu auylyndaǧy 3 mekteptı jaŋartu josparda bar.
Aita keteiık, aimaqtaǧy auqymdy su tasqyny kezınde Halyk apattardyŋ zardaptaryn joiuǧa alǧaşqylardyŋ bırı bolyp zardap şekkenderge tūrǧyn üidı qalpyna keltıruge jäne satyp aluǧa aqşalai qarajat jūmsap qana qoimai, olarǧa rekordtyq merzımde atauly tölemderdı qamtamasyz etken bolatyn.
