Şyǧys Qazaqstan oblysy ekologiia departamentınıŋ eks-basşysy Daniiar Äliev para alǧany üşın sottaldy, dep habarlaidy «Adyrna» tılşısı.
Antikordyŋ baspasöz qyzmetınıŋ 6 qaŋtardaǧy mälımetınşe, Öskemen qalalyq soty öŋırdıŋ ekologiia departamentınıŋ basşysy Älievke, jergılıktı tūrǧyn Jurkabaevqa jäne käsıpker Dliujevskiige qatysty ükım şyǧarǧan.
«Äliev para alǧany üşın, Jurkabaev deldaldyǧy, al Dliujevskii kommersiialyq ūiymǧa altyn öndıruge ekologiialyq rūqsat alu üşın 4,5 mln teŋge kölemınde para bergenı üşın kınälı dep tanyldy. Sot ükımımen şeneunık – 4 jylǧa, qala tūrǧyny – 1 jyl 6 aiǧa, käsıpker 3 jyl 6 aiǧa bas bostandyǧynan aiyryldy, būǧan qosa paidaly qazbalardy barlau jäne öndıru salasyndaǧy kommersiialyq ūiymdarda 5 jyl merzımge basşy lauazymdardy atqaruǧa tyiym salyndy. Sonymen bırge olar ömır boiy memlekettık qyzmette jäne kvazimemlekettık sektorda qyzmet atqaru qūqyǧynan aiyryldy»,—delıngen habarlamada.
Sot aktısı zaŋdy küşıne engen joq.
Eske salaiyq, Älievtıŋ ūstalǧany turaly aqparat 2023 jyldyŋ jeltoqsanynda şyqqan edı. Al 2024 jyldyŋ jazynda ŞQO boiynşa ekologiia departamentı basşysynyŋ mındetın atqaruşy Mamai Butabaevty ūstaldy.
