Tibet avtonomiialyq aimaǧynda bolǧan jer sılkınısınen qaza tapqandar sany 95 adamǧa jettı. Būl turaly Qytaidyŋ «Sinhua» agenttıgı jazdy, dep habarlaidy “Adyrna” ūlttyq portaly.
Aqparatqa säikes, apat saldarynan qazırgı uaqytta 130 adam jaraqat alǧan.
«Jer sılkınısı bügın taŋǧy 9:05-te (pekin uaqyty) Sigadze qalasynyŋ Tingri uezındegı Sogo auylynda tırkelgen. Zılzala magnitudasy 6,8 balldy qūraǧan. Episentrden 20 şaqyrym radiusta 6 900 adam tūratyn 27 auyl ornalasqan. Resmi derekter boiynşa, qazırgı uaqytta 130 adam jaraqat alǧan. Qūtqaru jūmystaryn jürgızu üşın apat aimaǧyna 3 400-den astam qūtqaruşy men 340 medisinalyq qyzmetker jıberılgen», — dep jazylǧan materialda.
Aita keteiık, bügın Prezident Qasym-Jomart Toqaev Qytai Halyq Respublikasynyŋ töraǧasy Si Szinpinge köŋıl aitu jedelhatyn joldaǧan bolatyn. Memleket basşysy özınıŋ jäne Qazaqstan halqynyŋ atynan qaza bolǧandardyŋ otbasylaryna jäne Qytai halqyna köŋıl aityp, zardap şekkenderge tez sauyǧyp ketuın tıledı.
Ūqsas jaŋalyqtar
