Ásem týyndylar Qazaq handyǵy qalyptasqan 550 jyldan bergi tarıhı mazmuny erek, eleýli oqıǵalardan syr shertedi, dep jazady khabar.kz saıty.
Sondyqtan qylqalam sheberleriniń ár qaısysy óz eńbekterin ádebı shyǵarmalardyń jelisine saı ázirlegen. Kórmede kópshilik nazaryna 200- deı sýret pen 100 shaqty zergerlik buıym usynyldy. Solardyń basym bóligi halyq sýretshisi Áýbákir Ysmaıylovtyń 70-80 jyl buryn salynǵan tarıhı-tanymdyq eńbekteri. Qazaqstan Sýretshiler odaǵynyń negizin qalaǵan tulǵa Qazaq handyǵyn áıgilegen bıler men sultandar beınesin ázirlep, keleshek urpaq úshin mol mura qaldyrǵan.
