Bügın, 27 qaŋtarda Qaŋtar oqiǧasynan keiın qamauǧa alynǧan Arman Jūmageldiev pen Qairat Qūdaibergenge qatysty sot ükımı şyqty, dep habarlaidy «Adyrna» tılşısı. Tolyqtai alǧanda Almatyda 2022 jylǧy Qaŋtar oqiǧasy kezınde "adam ūrlau", "bilıgın asyra paidalanu", "jappai tärtıpsızdıkke qatysu" qylmysty äreketterge qatysy bar degen aiyp taǧylǧan 44 adamǧa sot ükımı şyǧyp otyr.
Qylmys älemıne «Dikii Arman» degen laqap atymen taǧylǧan Arman Jūmageldiev 20 jylǧa bos bostandyǧynan aiyryldy. Al būrynǧy mäslihat deputaty Qairat Qūdaibergen 8 jylǧa sottalyp, «Qūrmet» ordenınen aiyryldy. Sondai-aq olarǧa qoǧamdyq qyzmetpen ainalysuǧa tyiym salyndy.
Küdıktılerge «bilıgın asyra paidalanu», ūiymdasqan qylmystyq top qūru jäne oǧan basşylyq jasau, qaraqşylyq şabuyl, zaŋsyz adamdardy bostandyǧynan aiyru, jappai tärtıpsızdık ūiymdastyru, sondai-aq banditizm boiynşa aiyp taǧyldy.
Odan bölek, ıs boiynşa aiyptaluşylar qataryndaǧy Ūlttyq qauıpsızdık komitetınıŋ polkovnigı Ruslan Ysqaqov 15 jyl 6 aiǧa sottaldy.
Eske salaiyq, Qairat Qūdaibergen men Arman Jūmageldievke qatysty ıs Almaty qalasynyŋ qylmystyq ıster jönındegı mamandandyrylǧan audanaralyq sotyna 2023 jyldyŋ qyrküiegınde jıberılgen edı. Alǧaşqy sot otyrysy 2023 jyldyŋ 14 qyrküiegınde aşyq rejimde boldy. Keiın aiyptaluşylardyŋ ısı sotqa qatysuşylardyŋ qauıpsızdıgı maqsatynda jabyq türde qarauǧa auystyryldy.
