Zelenskii Putinmen kelıssözge daiyn ekenın mälımdedı

Ukraina prezidentı Vladimir Zelenskii Resei prezidentı Vladimir Putinmen kelıssöz jürgızu ukrainalyqtar üşın beibıtşılık ornatudyŋ jalǧyz joly bolsa, oǧan daiyn ekenın mälımdedı, dep habarlaidy "Adyrna" ūlttyq portaly «Ukrainskaia pravda» basylymyna sılteme jasap. «Eger būl bızdıŋ halqymyz üşın beibıtşılıkke qol jetkızudıŋ jäne adamdardy joǧaltpaudyŋ jalǧyz mümkındıgı bolsa, ärine, bız būǧan baramyz», – dedı Zelenskii britandyq jurnalist Pirs Morganǧa bergen sūhbatynda. Sondai-aq, ol Kreml basşysyna degen jeke közqarasy būl jaǧdaida maŋyzdy emes ekenın aitty. «Men ony jauym dep sanaimyn. Eger şyndyqty aitsam, ol da menı jau dep esepteidı» - dedı ol. Zelenskiidıŋ aituynşa, Ukraina qazırgı jaǧdaida barlyq aumaqtaryn qaitara almaidy jäne nätijesı belgısız närse üşın milliondaǧan adamdy qūrban etuge bolmaidy. Sonymen qatar, ol soǧysta ömırın qiǧan azamattarǧa bergen antyn būzbaitynyn jäne konstitusiia talaptaryn saqtai otyryp, basyp alynǧan aumaqtardy Reseidıŋ bır bölıgı retınde moiyndamaitynyn atap öttı. Ukraina basşysy soǧys jaǧdaiynda elde sailau ötkızu mümkın emestıgın taǧy da rastady. Būǧan deiın Vladimir Putin Zelenskiidı «zaŋsyz prezident» dep atap, 2024 jyldyŋ mamyrynda onyŋ ökılettık merzımı aiaqtalatynyn, sondyqtan beibıt kelısımge qol qoiuǧa qūqyǧy joq ekenın mälımdegen.