Almatynyŋ qylmystyq ıster jönındegı mamandandyrylǧan sotynda qala qūrylysy basqarmasynyŋ būrynǧy basşysy Almashan Ahmedjanov pen jer qatynastary bölımınıŋ būrynǧy basşysy Ardaq Samambetovtıŋ ısı boiynşa jaryssöz öttı, dep habarlaidy “Adyrna” ūlttyq portaly Massagetke sıltep.
Prokuror Ahmedjanovty qyzmet babyn asyra paidalandy jäne alaiaqtyq jasady dep aiyptap, 12 jylǧa bas bostandyǧynan aiyrudy sūrady. Sondai-aq, onyŋ mülkın tärkıleu jäne memlekettık qyzmette jūmys ısteu qūqyǧynan aiyru ūsynyldy.
Tergeu mälımetterı boiynşa, Ahmedjanov pen Samambetov Almatynyŋ tauly aimaqtarynda jeke tūrǧyn üi saluǧa arnalǧan jerlerge ırı tūrǧyn üi keşenderın zaŋsyz saluǧa rūqsat bergen. Olar qūjattardy räsımdeu barysynda zaŋ būzuşylyqtarǧa jol berıp, kadastrlyq tölemderdı ainalyp ötken.
Sonymen qatar, tūrǧyn üi keşenınde qabat sany men ǧimarattyŋ tyǧyzdyǧy boiynşa zaŋ būzuşylyqtar anyqtalǧan. Tergeuşılerdıŋ mälımetınşe, Ahmedjanov osy zaŋsyz äreketterınıŋ ornyna tūrǧyn üi keşenderınen tuystaryna päter alǧan.
Prokuror sottaluşylardyŋ kışkentai balalary baryn jazany jeŋıldetetın, al antty būzǧandaryn auyrlatatyn män-jai retınde qarastyrudy sūrady.
Sondai-aq, prokuror Ardaq Samambetovtı kınälı dep tanyp, ony belgılı bır lauazymdardy atqaru qūqyǧynan ömır boiyna aiyru jäne 12 jylǧa bas bostandyǧynan aiyrudy sūrady.
Sottyŋ ükımı jaqyn künderı jariialanady.
Ūqsas jaŋalyqtar
