41 adam qaza tapqan. Meksikada avtobus jük kölıgımen soqtyǧysqan

Meksikanyŋ oŋtüstıgınde senbı künı taŋerteŋ  jol apaty oryn alyp,  41 adam qaza tapty, dep habarlaidy "Adyrna" ūlttyq portaly. Būl turaly Tabasko ştatynyŋ bilıgı mälımdep, qūtqaru jūmystary älı jalǧasyp jatqanyn aitty. 48 adam otyrǧan avtobus jük kölıgımen soqtyǧysqan. Apatta 38 jolauşy, ekı jürgızuşı jäne jük kölıgınıŋ jürgızuşısı qaza tapqan. Avtobus Kankun — Tabasko marşruty boiynşa jürgen. Reuters mälımetınşe, avtobus tolyǧymen örtenıp, tek metall jaqtauy qalǧan. Tabasko qauıpsızdık qyzmetınıŋ derekközderı qazırgı uaqytta tek 18 mäiıttıŋ tabylǧanyn aitty. Köptegen mäiıtter älı tanylmaǧandyqtan, ızdeu jäne qalpyna keltıru jūmystary jalǧasuda. Tabasko gubernatory Haver Mei Rodriges apat Eskarsega maŋynda bolǧanyn habarlady. Ol ştatynyŋ bilıgı federaldyq bilıkpen jäne Kampeche bilıgımen bırge barlyq qajettı kömek körsetu üşın jūmys ıstep jatqanyn atap öttı.