2008 jyly Reseidıŋ Gruziiaǧa jasaǧan basqynşylyǧy kezınde tanymal bolǧan etnikalyq qazaq Tasbolat İbraşevtıŋ Ukrainadaǧy soǧysta qaza tapqany jaily habar tarady. Oqiǧanyŋ 3 aqpanda bolǧany aitylady. Būl turaly 24tv.ua agenttıgı jazdy, dep habarlaidy «Adyrna» tılşısı.
«Ukraina qorǧanys küşterı Resei äskeri qyzmetşısı Tasbolat İbraşevtyŋ közın joidy. Ol 2025 jyldyŋ 3 aqpanynda Harkov oblysyndaǧy Volchansk qalasyndaǧy şaiqas kezınde mert boldy», - delıngen habarlamada.
Eske salaiyq, Tasbolat İbraşev 2008 jyly Reseidıŋ Gruziiaǧa jasaǧan basqynşylyǧy kezınde tanymal bolǧan edı. Onyŋ Gori qalasynyŋ şetındegı gruzin äskeri kolonnasynyŋ aldynda tūrǧan kadrlary älemdık BAQ-tarda jariialanǧan bolatyn. Ūzaq uaqyt boiy surettegı adam Buriatiiadan şyqqan Bato Daşidorjiev dep kelgen. Alaida keiınırek būl surettegı adam buriat emes, Qazaqstannyŋ tumasy Tasbolat İbraşev ekenı anyqtaldy. Ol kezde 58-Resei äskerınde kelısımşart boiynşa qyzmet etken.
Tasbolat İbraşev 1984 jyly Atyrau oblysynda düniege kelgen. 1986 jyly anasymen bırge Reseige köşıp ketken. 2008 jyly Soltüstık Kavkazda qyzmet etıp, 2010 jyly kelısımşart aiaqtalǧannan keiın Astrahanǧa oralǧan.
