Elımızde dekretke şyqqan äke qūqyqtary ana qūqyqtarymen bırdei bolady

1084
Adyrna.kz Telegram
https://adyrna.kz/content/uploads/2025/02/img_5797.jpeg

Elımızde bala kütımımen üide otyrǧan äke qūqyqtary ana qūqyqtarymen bırdei bolady. Būl turaly bügın, 10 aqpanda Konstitusiialyq sot aitty, dep habarlaidy «Adyrna» tılşısı.

Qūzyrly organ äleumettık kodekstıŋ bır baby bala kütımıne bailanysty demalysqa şyqqan äkelerdıŋ qūqyqtaryn şekteidı dep tanydy.

T.esımdı qazaqstandyq Konstitusiialyq sotqa Äleumettık kodekstıŋ 208-babynyŋ 1-tarmaǧyn, “Jasy boiynşa zeinetaqy tölemderın taǧaiyndauǧa eŋbek ötılın esepteudı” tekserudı ötıngen. Ol zeinetaqy tölemderın taǧaiyndau üşın qajet eŋbek ötılın esepteu kezınde tek ananyŋ bala kütımıne bailanysty demalys kezeŋı eskerıletının jetkızgen.

Er adam balasy düniege kelgennen keiın ekı ai ötken soŋ densaulyǧynda kınäraty bar säbiıne kütım jasau üşın jūmystan şyqqanyn mälımdedı. Aituynşa, äielı auyrmaǧandyqtan, jaŋa tuǧan balaǧa qarai almaǧan.

Keiınnen er adamnyŋ bala kütımıne jūmsaǧan uaqyty onyŋ jūmys täjıribesıne eseptelmegenı anyqtalǧan. Būǧan Äleumettık kodeks erejesı negız bolǧan. Er adam sotqa aryzdanyp, būl ekı ata-ananyŋ teŋ qūqyǧy qaǧidasyna qaişy keletının jetkızgen.

Nätijesınde Konstitusiialyq sot söz bolyp otyrǧan zaŋ erejesı Konstitusiiaǧa qaişy degen qorytyndyǧa keldı. Vedomstvo Äleumettık kodekstıŋ 208-baby 1-tarmaǧy 8-tarmaqşasyn bylaişa özgertken uaqytta ata zaŋǧa sai keledı dep tanydy: «Jūmys ıstemeitın ata-anaǧa jasyna bailanysty zeinetaqy tölemderın taǧaiyndau üşın eŋbek ötılın esepteu kezınde jas balalarǧa tıkelei kütımdı jüzege asyrǧan uaqyty esepke alynady».

Osylaişa bapqa dekret demalysyna şyqqan äkeler de endı.

«Balaǧa kütım jasau ata-anadan erekşe qamqorlyq pen qorǧaudy qajet etedı. Bala ömırınıŋ osy kezeŋınde obektivtı män-jailarǧa bailanysty olardyŋ kez kelgenı balasyna naqty qamqorlyq jasauǧa bailanysty jūmystan şekteluı mümkın. Ata-ana mındetterın oryndaudan tuyndaityn mūndai jaǧdailardy äleumettık qorǧau salasyndaǧy memlekettık saiasat şeŋberınde ötemaqy tetıkterın äzırleu kezınde eskeru qajet. Olardyŋ bırı – teŋdıgı jäne äleumettık qorǧau salasyndaǧy adam men azamattyŋ qūqyqtaryn şekteuge jol bermeu»,– dep tüsındırdı Konstitusiialyq sot.

Pıkırler