Bügın Almatyda Qazaq ūlttyq qyzdar pedagogikalyq universitetınıŋ ūiymdastyruymen jäne Bırıkken Ūlttar Ūiymynyŋ qoldauymen Ǧylymdaǧy äielder men qyzdardyŋ halyqaralyq künıne orai ǧylymi konferensiia öttı. Is-şarany QyzPU-dyŋ «Tūraqty damu» jäne «Ǧylym» studenttık özın-özı basqaru ūiymdary ūiymdastyrdy.
Is-şarada Qazaqstan Respublikasy Ǧylym jäne joǧary bılım ministrlıgı Joǧary jäne joǧary oqu ornynan keiıngı bılım komitetı töraǧasynyŋ orynbasary Aqerke Abylaihan Ǧylymdaǧy äielder men qyzdardyŋ halyqaralyq künımen ǧylymǧa qyzyǧuşylyq tanytqan barşa student-jastardy qūttyqtady.
«Bügın – halyqaralyq ǧylymdaǧy äielder künı. Osy aituly künmen barlyq ǧylymdaǧy student-jastardy qūttyqtaimyn. Bügıngı şarada Qazaq ūlttyq qyzdar pedagogikalyq universitetınıŋ ǧylymmen ainalysyp, zerthanalarda jūmys ıstep jatqan jas ǧalymdarynyŋ körmesımen tanystyq. Elımız üşın, jalpy injenerlık-tehnikalyq baǧyttaǧy ǧylymdy damytu, sondai-aq öndırıstı jetıldıru – asa maŋyzdy. Osy oraida, jastarymyzdyŋ qolmen jasaǧan sabyn önımderın körıp, tehnologiialyq prosesterdı tiımdı jürgızu arqyly onyŋ paidaly tūstaryn arttyruǧa arnalǧan zertteu jūmystarymen tanystyq. Jastarǧa, äsırese ǧylym jolynda jürgen qyzdarymyzǧa aitarym – ǧylymdy jalǧastyru qajet. Bastalǧan ǧylymi ızdenıstı toqtatuǧa bolmaidy. Sol sebeptı bakalavriatta oqyp jatqan studentterge tabys tıleimın. Olardyŋ bolaşaqta magistratura men doktoranturada bılımın jalǧastyryp, Qazaq ūlttyq qyzdar pedagogikalyq universitetınde elımızdıŋ ǧylymi kadrlaryn daiarlau ısıne öz ülesterın qosa berulerıne tılektespın», – dedı Qazaqstan Respublikasy Ǧylym jäne joǧary bılım ministrlıgı Joǧary jäne joǧary oqu ornynan keiıngı bılım komitetı töraǧasynyŋ orynbasary Aqerke Abylaihan.
Konferensiiaǧa ekologiia magistrı, «Ecology Consulting» kompaniiasynyŋ basşysy, eko-etno-dizainer, ekotrener jäne ekologiialyq belsendı Botaköz Sadybekova, Yokogawa Electric Kazakhstan kompaniiasynyŋ injenerı Düisenbek İnkar Däurenqyzy, sondai-aq Qazaq ūlttyq qyzdar pedagogikalyq universitetınıŋ PhD doktorlar qūramy arnaiy şaqyryldy. Sonymen qatar konferensiia qonaqtary retınde Äl-Farabi atyndaǧy Qazaq ūlttyq universitetı, Qazaq-Britan tehnologiialyq universitetı, Halyqaralyq aqparattyq tehnologiialar universitetı, Sport jäne turizm akademiiasy, M. Tynyşpaev atyndaǧy ALT University studentterı qatysty.
Ǧylym salasyndaǧy äielderdıŋ rölın därıpteu jäne jas ǧalymdardy yntalandyru maqsatynda ötken ǧylymi konferensiiada jaratylystanu, fizika, matematika jäne sifrlyq tehnologiialar baǧyttarynda jürgızılıp jatqan zamanaui zertteuler men innovasiialyq jobalar talqylandy.
«Almaty qalasyndaǧy Bırıkken Ūlttar Ūiymy ǧimaratyna qoş keldıŋızder! Bügın bız Qazaq ūlttyq qyzdar pedagogikalyq universitetımen bırlesıp, ǧylymdaǧy äielder men qyzdardyŋ halyqaralyq künıne orai ülken merekelık şara ötkızıp otyrmyz. Jastardyŋ ǧylymǧa degen qyzyǧuşylyǧyn jäne öz bılımderın täjıribege ainaldyra alǧanyn körıp, erekşe quanyp otyrmyn. Osyndai maŋyzdy şarany bırlesıp ūiymdastyrǧanymyzǧa öte quanyştymyn», – dedı BŪŪ Jahandyq kommunikasiialar departamentınıŋ ökılı, Qazaqstandaǧy BŪŪ Aqparattyq ortalyǧynyŋ basşysy Vlastimil Samek.
Is-şara aiasynda ǧylymi järmeŋke ūiymdastyrylyp, onda studentter özderınıŋ ǧylymi jobalaryn tanystyrdy. Är qatysuşy öz zertteuınıŋ maqsaty men nätijelerın jan-jaqty tüsındırıp, ǧylymi qauymdastyqpen pıkır almasty.
«Bızdıŋ jobamyzdyŋ atauy – «Aqyldy avtotūraq». Qazırgı taŋda köptegen sauda jäne sauyqtyru ortalyqtarynda avtotūraq mäselesı jiı kezdesedı. Jürgızuşılerdıŋ kölıkterın dūrys qoimauy saldarynan basqa jürgızuşılerge bos oryn tabu qiynǧa soǧady. Bızdıŋ jobamyz däl osy mäselenı şeşuge arnalǧan. Bolaşaqta jobany damytyp, ony ıske asyrudy maqsat etıp otyrmyz», – dedı Qazaq ūlttyq qyzdar pedagogikalyq universitetınıŋ «İnformatika jäne robototehnika» bılım beru baǧdarlamasynyŋ 3 kurs studentı Jarqynai Bahytjan.
Şarada Qazaq ūlttyq qyzdar pedagogikalyq universitetınıŋ Studenttık Rektorat qūramy «Ǧylymdaǧy äielder» taqyryby boiynşa baiandama jasady. Konferensiianyŋ negızgı bölıgı ǧylymi jobalar men zertteu jūmystarynyŋ qorǧaluyna arnaldy. Qatysuşylar öz zertteulerın jan-jaqty tanystyryp, innovasiialyq şeşımder ūsyndy. Paneldık pıkırtalas barysynda ǧylym men tehnologiia salasyndaǧy özektı mäseleler talqylanyp, qatysuşylar universitettıŋ PhD doktorlary qūramynan tıkelei jauap alu mümkındıgıne ie boldy.
Konferensiia soŋynda BŪŪ jahandyq kommunikasiialar departamentınıŋ ökılı jäne QR BŪŪ Aqparattyq ortalyǧynyŋ basşysy Vlastimil Samek jäne Ǧylymi jūmys jäne halyqaralyq yntymaqtastyq jönındegı prorektor Djumakulov Zakir Daniiarovich belsendı studentter men qonaqtarǧa alǧysyn bıldırıp, ǧylym men bılımge qosqan ülesterı üşın Alǧys hattar tabystady.
«Bügıngı şarada bızdıŋ doktoranttarymyz, studentterımız jäne zertteuşılerımız özderınıŋ ǧylymi jobalaryn ūsyndy. Sonymen qatar äielderdıŋ tarihtaǧy jäne qazırgı ǧylymǧa qosqan maŋyzdy ülesı turaly da aityldy. Şaranyŋ basty maqsaty – student qyzdardy ǧylymǧa tartu», – dedı Qazaq ūlttyq qyzdar pedagogikalyq universitetınıŋ Ǧylymi jūmys jäne halyqaralyq yntymaqtastyq jönındegı prorektory Djumakulov Zakir Daniiarūly.
Būl ıs-şara ǧylym salasyndaǧy äielderdıŋ rölın aiqyndap qana qoimai, jas ǧalymdardy jaŋa jetıstıkterge jeteleuge jäne olardyŋ ǧylymi ızdenısterın qoldauǧa baǧyttalǧan maŋyzdy qadam boldy.
