Amerıkanyń USS Harry S. Truman avıatasymaldaýshysy Jerorta teńizinde Besiktas-M saýda kemesimen soqtyǵysty. Bul týraly AQSh Altynshy flotynyń resmı málimdemesinde aıtyldy, dep habarlaıdy “Adyrna” ulttyq portaly.
Oqıǵa Mysyrdyń soltústik-shyǵysyndaǵy Port-Saıd qalasynyń mańynda Jerorta teńizindegi operaııalar kezinde oryn aldy.
"Soqtyǵys Harry S. Truman (CVN 75) kemesine qaýip tóndirmedi. Óıtkeni kemeniń sýǵa batýy nemese jaraqat alý týraly habarlamalar kelmedi. Qozǵaltqysh júıeleri zaqymdanbaǵan jáne olar qaýipsiz ári turaqty kúıde. Oqıǵa tergelýde", – delingen habarlamada.
USS Harry S. Truman avıatasymaldaýshy 1998 jyly iske qosylǵan jáne AQSh Áskerı-teńiz kúshteriniń soqqy berý tobyna kiredi. "Nımı" tıpti avıatasymaldaýshylar – maksımaldy yǵystyrýy 106 myń tonnaǵa deıin jetetin amerıkalyq atomdyq ushaq tasyǵyshtarynyń bir túri. Olar álemdegi eń úlken áskerı kemeler.
VesselFinder kemeni qadaǵalaý qoldanbasynyń málimetinshe, áýe kemesi soqtyǵysqan Besiktas-M 2003 jyly jasalǵan jáne qazir Panama týynyń astynda júzip júrgen sýsymaly júk tasymaldaıtyn keme.
