Tanymal kıtaphanaşy Ǧaziza Qūdaibergenqyzy Ūlttyq kıtaphananyŋ direktory bolyp taǧaiyndaldy, dep habarlaidy «Adyrna» tılşısı.
«2022 jylǧy qaŋtar qyrǧynynda şyndyqty aitqanym üşın jūmystan şyǧyp qaldym. Sol jyly men «Mūqaǧali ǧasyry» atty kıtabymdy jazu üşın qyzmetımdı tastap, ekı gazetpen kelısımşartqa tūryp, azǧantai qalamaqy alyp, näpaqamdy tauyp, otbasymdy asyrap jatqan edım. Qaŋtardan soŋ ainalasy bır ai ışınde ekı basylym da kelısımşartymdy toqtatyp tastady. Osyndai qiyn mezgılde bilıkke jaqpaityn azamattyq pozisiiam men saiasi közqarasyma qaramastan, menı jūmysqa şaqyrǧan bır ǧaziz jan boldy, ol – Ǧaziza Qūdaibergenqyzy. Üş jylǧa taiau uaqytta Ǧazizanyŋ qoldauynyŋ arqasynda alaŋsyz jūmys ıstep, «Älem ädebietı» baǧdarlamasyn jüzege asyryp 30-ǧa juyq därıs oqydym. Mıne, bügın sol abzal jan basqa qyzmetke auysyp, Almatydaǧy Ūlttyq kıtaphananyŋ basşysy bolyp taǧaiyndalypty. Jaŋa qyzmetıŋız qūtty bolsyn, Ǧaziza hanym! Sızge barlyq jaqsylyqty tıleimın. Abyroiyŋyz arta bersın!»— dep qūttyqtady ädebiet synşysy Amangeldı Keŋşılık.
Būǧan deiın Ǧaziza Qūdaibergenqyzy Astanadaǧy QR Ūlttyq akademiialyq kıtaphanasynyŋ direktory lauazymyn atqarǧan edı.
