Abai oblysynyŋ jaŋadan taǧaiyndalǧan äkımı Berık Uäli öŋır basşysy retındegı alǧaşqy kezdesuın aqsaqaldar jäne ziialy qauym ökılderımen ötkızdı, dep habarlaidy "Adyrna" ūlttyq portaly Araşaǧa sıltep.
Alǧaşqy basqosuda aimaqtyŋ äleumettık-ekonomikalyq damuy, tarihi jäne mädeni oryndaryn damytu, sondai-aq auyl şaruaşylyǧy men turizmdı örkendetu mäselelerı talqylandy.
Berık Uäli öŋır aqsaqaldarynyŋ ūsynystaryn tyŋdap, olardyŋ aqyl-keŋesın jūmys barysynda basşylyqqa alatynyn atap öttı.
«Abai oblysyn qūru – tarihi ädılettılıktıŋ ornauy. Endı naqty jūmys ısteitın uaqyt keldı. Öŋırdı damytuǧa bar küş-jıgerımdı salamyn», – dedı oblys äkımı.
Öŋır basşysy Prezident tapsyrmasyna säikes investisiialyq ahualdy jaqsartu, auyl şaruaşylyǧy, kölık-logistika salalaryn damytu, ekonomikany ärtaraptandyru mäselelerıne erekşe nazar audaratynyn jetkızdı.
Kezdesu barysynda aqsaqaldar auyl-aimaqtardyŋ damuy, mädeniet pen turizm salalarynyŋ örkendeuı qajettıgın atap öttı.
«Ekonomikany jaqsartyp, äleumettık mäselelerdı şeşu üşın jaqsy bailanys qajet. Berık Uäliūly – täjıribelı basşy. Memlekettık qyzmette mol täjıribe jinady. Endı onyŋ ainalasyna toptasyp, öŋırdıŋ örkendeuı üşın bırge jūmys ısteuımız kerek», – dedı Abai oblysy qoǧamdyq keŋesınıŋ töraǧasy Meiramhat Ainabekov.
Kezdesu soŋynda öŋırdıŋ aqsaqaly Moldabek Janbolatov oblys äkımıne aq batasyn berıp, sättılık tıledı.
«Semei – Alaştyŋ astanasy, qazaq ruhaniiatynyŋ temırqazyǧy. Bız bırge jūmys ıstep, öŋırdı damytu jolynda aianbai eŋbek etuımız kerek», – dep tüiındedı Berık Uäli.
Ūqsas jaŋalyqtar
