Biyl oblys ortalyǧy Taldyqorǧannyŋ biudjetı 33 % ūlǧaitylyp, qalany damytudyŋ basym baǧyttary belgılendı

Taldyqorǧandy juyq jyldarda qauıpsız, jaily, jasyl qala retınde damytu mındetı qoiylǧan. Ony ıske asyru üşın 2025-2026 jyldardyŋ naqty josparlary jasalyp, qala biudjetı 33 paiyzǧa ūlǧaityldy. Būl turaly oblys äkımı Beibıt İsabaevtyŋ jurnalisterge bergen sūhbaty barysynda aityldy, - dep habarlaidy Jetısu oblysy äkımınıŋ baspasöz qyzmetı. Öŋır basşysy öz sözınde oblys ortalyǧyn damytudyŋ basym baǧyttaryna toqtaldy. Būl rette qala tūrǧyndarynyŋ qauıpsızdıgın qamtamasyz etu ısı aldyŋǧy orynda tūr. Osy maqsatta qoǧamdyq tärtıptı qadaǧalaityn 585 beinekamera jäne jol qauıpsızdıgın qamtamasyz etetın 136 «Sergek» kamerasyn ornatu mejelengen. «Smart Siti» formaty boiynşa qalanyŋ tırşılıgın täulık boiy baqylai alatyn situasiialyq ortalyqty ıske qosu josparda bar. Oǧan qosa köşelerdı jaryqtandyru da qolǧa alynady. Bügıngı künı qaladaǧy 640 köşenıŋ 420-synda ǧana, iaǧni, 65 paiyzyna jaryq ornatylǧan. Osyǧan orai jergılıktı biudjetten biyl köşelerdı jaryqtandyruǧa 3,5 mlrd teŋge bölınıp otyr. Sonyŋ arqasynda bırqatar saiajailarda jäne «Hutor», «Şyǧys» jäne basqa da audandarda köşeler jaryqtandyrylady. Sonymen qatar qalanyŋ ömır süruge jaily boluyna da nazar audarylady. Iаǧni halyq baspanamen, jylumen, elektrmen, sumen, gazben qamtamasyz etıluı kerek. Mäselen, ötken jyly Taldyqorǧanda 1283 otbasyǧa baspana berılse, biyl tūrǧyn üige ie bolatyndardyŋ sany 1500-ge juyqtaidy dep josparlanyp otyr. Şahardyŋ körkı abattandyruǧa tıkelei bailanysty. Sondyqtan aulalarǧa vorkaut alaŋdaryn salu, köp qabatty üilerdıŋ şatyrlary men qasbetterın jaŋartu, aryqtar men arnalardy qalpyna keltıru jalǧastyrylady. Byltyr 28 köpqabatty üidıŋ şatyryna jöndeu jūmystary jürgızılgen. Köppäterlı 10 üidıŋ qasbetı jasaldy. Biyl taǧy 30 köpqabatty üidıŋ şatyry men 32 üidıŋ qasbetı jöndeledı. - Qaladaǧy «Ūlan» yqşam audanyna otyz jyldan astam uaqyt jöndeu jürgızılmegen. Audandy abattandyru mäselesın ūzaq talqylap, saraptama jasap baryp, şeşım qabyldadyq. Sol arqyly täjıribe qalyptasty. Endı keşendı türde jūmys ısteimız. Byltyr aldymen 25 köp päterlı üidıŋ 5 aulasyn jöndedık, qalǧan aulalardy biyl bıtıremız. Sondai-aq «Ūlan» yqşam audanyndaǧy jöndeudı qajet etetın köp qabatty üilerdıŋ şatyryn jöndeimız. Sodan soŋ «Jetısu» jäne «Jūldyz» yqşam audandaryna auysyp, keşendı tärtıppen kögaldandyru jūmystary jürgızıledı. Iаǧni, aldymen qalanyŋ nazardan tys qalǧan şetkı audandaryn qamtimyz, - dedı B. İsabaev. Kögaldandyru jaiyna kelsek, Taldyqorǧanda ötken jyly 10 myŋdai aǧaş otyrǧyzylsa, biyl 12 myŋnan astam köşet egu közdelgen. Qalanyŋ «Qūlager» şaǧyn audanynda aumaǧy 1,2 gektar bolatyn jaŋa saiabaq salu josparda bar. Al «Bırlık» şaǧyn audanda jaŋa skver paida bolady. Sol siiaqty aǧaştar men kögaldardy suaru jüiesın retteu qolǧa alynǧan. Bügınge deiın şamamen 10 şaqyrymdai aryq jüiesıne jöndeu jürgızıldı, būl jūmys biyl da jalǧasady. Oǧan qosa Ortalyq jäne «Jastar» saiabaqtaryna aǧymdaǧy jöndeu jasalady. [caption id="attachment_229259" align="alignnone" width="300"] default[/caption]