"Bızge zamanaui qauıpsızdık jüiesı jetıspeidı"

Eŋbek qauıpsızdıgın saqtau – qyzmetkerlerdıŋ densaulyǧy men ömırın qorǧauǧa baǧyttalǧan maŋyzdy şaralar. Eldegı barlyq käsıporyndar eŋbek jaǧdailaryn jaqsartu üşın jūmys ısteuı qajet. Ökınışke qarai, elımızde öndırıstık jaraqattar, adam ölımıne äkep soqtyratyn jazataiym oqiǧalar tyiylmai tūr. Künı keşe Ūlytau oblysyndaǧy kenışte bolǧan apat osyǧan naqty dälel. Memleket basşysy «Qazaqmys» korporasiiasyna qarasty kenışte oryn alǧan qaiǧyly oqiǧaǧa bailanysty eŋbek qauıpsızdıgı salasynda qataŋ saqtaluǧa tiıs jaǧdailarǧa nazar audardy. Prezident Qasym-Jomart Toqaev nysandardyŋ qauıpsızdık jüiesımen jabdyqtalu deŋgeiı öte tömen ekendıgın aitty. «SENIM» Densaulyq saqtau jüiesı jūmyskerlerınıŋ salalyq käsıptık odaǧy Almaty filialynyŋ töraǧasy Almas Nesıpqaliev eŋbek qauıpsızdıgıne qatysty öz pıkırlerımen bölıstı. «Qazaqmys» kompaniiasyndaǧy qaiǧyly jaǧdai el önerkäsıbındegı  qauıpsızdık jüiesınıŋ älsız ekendıgın körsettı. Būl turaly mamandar ünemı aityp ta jazyp ta jür. Jalpy tek öndırıs salasy ǧana emes, kez kelgen mekemede eŋbek qauıpsızdıgıne qatysty türlı mäselelerdıŋ tuyndaityny ras. Osy oraida käsıpodaq ūiymynyŋ negızgı atqaratyn qyzmetı - jūmyskerlerdıŋ eŋbek jäne äleumettık qūqyǧyn qorǧau, eŋbek qauıpsızdıgınıŋ saqtaluyn qadaǧalau. Sondyqtan da eŋbek zaŋdylyǧy, qauıpsızdık talaptary būzylyp jatsa, jūmyskerlerge qol ūşyn beretın de osy käsıpodaq ūiymdary. Laiyqty eŋbekaqy, qauıpsız jūmys ornymen qamtu mäselesın uşyqtyrmai uaqytynda şeşu de oŋai şarua emes. Būl rette bız jaŋa şeşımder qabyldap jatyrmyz. Sonyŋ eŋ bastysy - eŋbekkerlerdıŋ bılımın arttyru. «Senim» salalyq käsıptık odaǧy eŋbek qauıpsızdıgın saqtau, käsıpodaq müşelerınıŋ qūqyǧyn qorǧau maqsatyna tūraqty türde türlı ıs-şaralar ötkızedı. Mäselen, 2024 jyly 1050 den astam käsıpodaq müşelerı «Kelısım komissiiasy», «Eŋbek kodeksı boiynşa özgerıs» taqyryptary boiynşa arnaiy kurs oqydy. Eŋbektı qorǧau jäne qauıpsızdık tehnikasy jönındegı tehnikalyq inspektorlardy oqytu tūraqty jürgızıledı», - dedı ol. Almas Nesıpqalievtyŋ aituynşa, öndırıstık jaraqat aludan qorǧau maqsatynda barlyq mekemelerde öndırıstık Keŋester belsendı jūmys ısteuı tiıs, sonymen qatar tehnikalyq inspektorlardyŋ jūmysyn küşeitu qajet. «2024 jyly bızdıŋ käsıpodaqqa qatysty ūiymdarda öndırıstık jaraqattanudyŋ 12 jaǧdaiy tırkeldı, jaraqattanudyŋ negızgı ülesı Jedel medisinalyq järdem qyzmetıne tiesılı: jol kölıgı oqiǧalary, qūlau,  pasientterdıŋ medisinalyq qyzmetkerlerge özderınıŋ funksionaldyq mındetterın oryndau kezınde şabuyl jasauy. Käsıpodaq öz tarapynan jaraqat alǧan käsıpodaq müşelerın qorǧau maqsatynda, Eŋbek inspeksiiasymen bırlese otyryp şeşuge at salysty. Käsıpodaq müşelerınıŋ jūmys beruşılerı öz qyzmetkerlerınıŋ ömırlerıne qauıp tönbeitındei jaǧdai jasauǧa mındettelgen. Memorandum şeŋberınde käsıpodaq müşelerıne zaŋ kömegı körsetıldı, mäselelerdı sotqa deiıngı retteude kelısımge qol jetkızıldı, sondai-aq sotta müddeler bıldıru, ar-namys pen qadır-qasiettı qorǧau mäselelerı boiynşa advokat ūsynyldy. Osynyŋ nätejesınde zaŋsyz jūmystan şaǧarylǧan 10 käsıpodaqtyŋ  müşesı jūmysqa qaita qabyldandy. Memleket basşysy atap körsetkendei, Eŋbek qauıpsızdıgın nyǧaitu üşın bar küş-jıgerımızdı saluymyz qajet. Otanymyzdyŋ igılıgı üşın eŋbek etıp jürgen jūmyskerlerdıŋ qūqyǧyn qorǧauda bızge därmensızdık tanytuǧa bolmaidy», - dedı ol. Almas Nesıpqaliev  eŋbek qauıpsızdıgınıŋ negızgı qaǧidalaryna qatysty bırneşe ūsynys aitty. «Bırınşıden, bızge qauıpsızdıktıŋ zamanaui jüielerıne köşu qajet. Būǧan ärine sifrlandyru qyzmetterı kıredı. Jahandyq sifrlandyru zamanynda bızge jaŋaşyldyq qajet. Ärbır mekeme, zauyt, fabrika, meilı emhana bolsyn, eŋbek jaǧdailaryn jaqsartuǧa baǧyttalǧan qauıpsızdık erejelerın saqtauy tiıs. Ekınşıden, jūmysşylardyŋ bılımı men bılıktılıgın üzdıksız arttyru özektı. Qauıpsızdık boiynşa tūraqty oqytu men treningter ötkızu - jūmyskerlerdıŋ jaraqat alu qaupın azaitady. Onyŋ ışıne qorǧanys qūraldaryn qoldanudy üiretu bar. Qauıp-qaterdı aldyn ala anyqtau jäne baǧalau da maŋyzdy. Būl qauıptı faktorlardy der kezınde anyqtauǧa septıgın tigızedı, sonyŋ arqasynda öndırıstık jaraqattardyŋ aldyn aluǧa, eŋ bastysy, adam ölımınıŋ aldyn aluǧa bolady», - dep oi tüiındedı ol.