22 aqpan künı HAMAS pen İzrail soǧysty toqtatu kelsımınıŋ bırınşı kezeŋınıŋ soŋǧy tūtqyn almasuyn jüzege asyrdy, dep habarlaidy "Adyrna" ūlttyq portaly Times of Israel-ge sılteme jasap.
HAMAS alty izraildık tūtqyndy bosatty. Olardy Qyzyl Krest ökılderıne Gaza sektorynda tapsyrdy.
İzrail äskeri küşterı barlyq alty tūtqynnyŋ İzrailge jetkızılgenın rastady. HAMAS-tyŋ mälımdeuınşe, tūtqyndar İzraildıŋ arab qauymyna degen qūrmetı retınde saltanatty räsımsız bosatylǧan.
Qamaudan şyqqandardyŋ jasy 20 men 40 aralyǧynda. Olardyŋ törteuı 2023 jylǧy 7 qazanda HAMAS İzrailge şabuyl jasaǧan kezde muzykalyq festivalde tūtqynǧa alynǧan. Al qalǧan ekeuı Gazaǧa öz erkımen kırıp, şamamen 10 jyl tūtqynda bolǧan. Olardyŋ tuystary ekeuınıŋ de psihikalyq syrqattary bar ekenın aitady.
6 tūtqynnyŋ ornyna İzrail türmelerınen 602 palestinalyq bosatylyp, olardyŋ 100-den astamy deportasiialanbaq. Altauy deportasiiadan bas tartyp, İzrail türmelerınde qaludy jön körgen.
Būl İzrail men HAMAS arasyndaǧy atysty toqtatudyŋ alǧaşqy kezeŋındegı soŋǧy tūtqyn almasuy ekenı habarlandy. Qazırgı uaqytta ekınşı kezeŋ şarttary boiynşa kelıssözder jürıp jatyr. Onda HAMAS İzraildıŋ Gazadan tolyqtai ketuın talap etude.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz