1-3 qazan künderı Qazaqstan–Qytai şekarasyndaǧy ötkızu beketterı jabyq bolady. Alaida äue jäne temırjol qatynasy jabylmaidy.
Aldaǧy aptada Qytai Qazaqstanmen aradaǧy şekarada ornalasqan ötkızu beketterın üş künge jauyp tastaidy. Aqparatty ūlttyq qauıpsızdık komitetı rastady, dep habarlaidy Sputnik Qazaqstan tılşısı.
1 qazanda Qytai halyq respublikasynyŋ qūrylǧan künı atalyp ötedı. Osy memlekettık meiramǧa bailanysty 1-3 qazan künderı Qazaqstan–Qytai memlekettık şekaradaǧy ötkızu beketterı jabyq bolady. Äue jäne temırjol qatynasy jabylmaidy. Al 4 qazanda adamdar men jükterdı ötkızu jūmysy qaita bastalady.
QHR-dyŋ qūrylǧan künı – osy eldıŋ negızgı memlekettık meiramy. Mereke jyl saiyn atalyp ötedı. 1949 jyly Beijıŋ qalasyndaǧy Tiananmen alaŋynda Qytai halyq respublikasynyŋ qūrylǧany turaly mälımdeme jasaldy. Bas kezınde osy meiramda jyl saiyn äskeri şeruler ūiymdastyryldy. Mädeni revoliusiianyŋ nätijesınde mūndai şaralar toqtatylǧan bolatyn. Degenmen, 1984 jyly qaitadan qolǧa alyndy. 2009 jyly ötken soŋǧy äskeri şerude Qytai äskeri tehnikanyŋ soŋǧy ülgılerın körsettı.
Qytaida būl meiram kezınde bır apta boiy demalys bolady. Qala köşelerınde gülden san aluan kompozisiialar jasalyp, merekelık şaralar men ot-şaşu bolady.
Aita keteiık, biyl Qytai osymen ekınşı ret şekara beketterın jauyp otyr. Soŋǧy ret mūndai şara 1-5 mamyr aralyǧynda bolǧan edı. Ol kezde Köktem men Eŋbek meiramy toilandy.
