Deputat Däulet Mūqaevtyŋ aituynşa Astanadaǧy Bas meşıt pen Hazıret Sūltan meşıtınde janaza asyna arnalǧan dastarqan adam basyna 20 000 teŋgege deiın jetedı. Minimaldy baǧa 7000 teŋgeden bastalady, bıraq ol kezde ettı özıŋız äkeluıŋız kerek.
Būl jaǧdai köpşılıktıŋ narazylyǧyn tudyryp otyr.
Sebebı elımızdıŋ Şyǧys Qazaqstan, Abai, Pavlodar oblystarynda janaza asy qarapaiym ūiymdastyrylyp, tek 7 türlı taǧamnan aspaidy, al basqa taǧamdardy ūsynbaidy.
Qazaq dästürınde janaza asy – marqūmǧa dūǧa baǧyştap, qaiǧyny bölısu üşın berıletın as. Bıraq meşıtterde baǧalardyŋ şaryqtauy janaza asynyŋ toi dastarqanyna ainalǧanyn körsetedı.
Deputattyŋ aituynşa, Qazaqstan Mūsylmandary Dıni Basqarmasy (QMDB) būl mäselege köŋıl bölıp, as beru mädenietın retteuı tiıs. Sebebı qaiǧydan qan jūtyp otyrǧan jandarǧa mūndai baǧalar auyr soqqy boluy mümkın.
"Erte me, keş pe, är adam būl ömırden ötedı. Janaza, as beru, zirat köteru – kez kelgen adamnyŋ aldynan şyǧatyn dıni joralǧylar. Bıraq olardy oryndau otbasyǧa auyr qarjylyq jük bolmauy tiıs" dedı Däulet Mūqaev.
