Alǧys aitu künı jäne Partiia künı qarsaŋynda «AMANAT» partiiasynda üzdık bastauyş partiia ūiymy men üzdık qoǧamdyq qabyldau bölmesı baiqauy qorytyndylandy. Is-şaraǧa beinekonferensbailanys arqyly elımızdıŋ barlyq aimaǧyndaǧy 3700 bastauyş partiia ūiymy men 225 qoǧamdyq qabyldau bölmesınıŋ ökılderı qatysty.
Mäjılıs Spikerı, «AMANAT» partiiasynyŋ Töraǧasy Erlan Qoşanov bastauyş partiia ūiymdary partiianyŋ negızgı tıregı ekenın atap öttı. Olar partiianyŋ qoǧamdaǧy bedelın qalyptastyrady. Halyq sūranysyna alǧaşqylardyŋ bırı bolyp ün qatyp, äleumettık mäselelerdı şeşuge kömektesedı, partiialyq jobalarǧa belsendı qatysyp, memlekettık bastamalardy tüsındıru jūmysyn jürgızedı. Al partiianyŋ qoǧamdyq qabyldau bölmelerıne kelıp tüsetın ötınışter sany jyl sanap artyp keledı. Būl azamattardyŋ «AMANAT» partiiasyna degen joǧary senımınıŋ jarqyn körınısı.
«Bızdıŋ partiia Memleket basşysynyŋ strategiialyq baǧytyn belsendı jüzege asyryp, naqty ıster arqyly Prezidenttıŋ naǧyz qoǧamdyq tıregı ekenın kün saiyn däleldep keledı. Elımızde jürgızılıp jatqan reformalar partiialyq jüienıŋ damuyna serpın berıp, saiasi bäsekelestıktı küşeite tüstı. Jaŋa jaǧdaida «AMANAT» partiiasy barlyq bilık deŋgeiınde öz köşbasşylyǧyn sättı saqtap keledı. Būǧan bastauyş partiia ūiymdary orasan üles qosyp otyr. Bızdıŋ belsendılerımız elımızdıŋ barlyq aumaǧynda ortaq maqsat pen igı ıs jolynda kündız-tünı jūmys ıstep keledı. Olar – partiianyŋ negızgı qozǧauşy küşı ärı aldaǧy jeŋısterınıŋ kepılı», – dedı ol.
Sondai-aq Erlan Qoşanov qazaqstandyqtardyŋ naqty mäselelerın şeşuge baǧyttalǧan partiialyq jobalardyŋ joǧary sūranysqa ie ekenın atap öttı. Prezident «Auyl amanaty» jäne «Qaryzsyz qoǧam» jobalaryn joǧary baǧalady. Qoǧam tarapynan ülken qoldau tapty. Būl jobalar auyldaǧy käsıpkerlıktı damytuǧa jäne azamattardyŋ qarjylyq sauatyn arttyruǧa kömektesedı. «Jer amanaty» jobasy paidalanylmai jatqan 12 mln gektar jerdı memleket menşıgıne qaitaruǧa mümkındık berdı. Al partiianyŋ jaŋa «Sifrlyq qoǧam» jobasy azamattardyŋ sifrlyq sauatyn arttyruǧa jäne olardy internet-alaiaqtardan qorǧauǧa baǧyttalǧan.
Sonymen qatar, partiianyŋ «Halyqpen bırge!» sailaualdy baǧdarlamasy jüielı jüzege asyrylyp, halyqtyŋ tūrmysyn jaqsartuda. Būl – «AMANAT» partiiasy men Ükımet atqaryp jatqan jūmystyŋ negızgı basymdyqtarynyŋ bırı. Sailaualdy uädelerdı oryndau aiasynda 400 myŋnan astam jas azamat jūmysqa ornalastyryldy, joǧary oqu oryndaryndaǧy studentterdıŋ şäkırtaqysy 80%-ǧa ūlǧaityldy, 270 medisinalyq mekeme, 375 myŋ oquşyǧa arnalǧan 254 mektep salyndy. Auylǧa jūmys ısteuge barǧan medisina qyzmetkerlerıne 10 mln teŋgege deiın köterme aqy tölenıp, ziiandy eŋbek jaǧdaiynda jūmys ısteitın mamandarǧa arnaiy tölemder qarastyryldy.
Sondai-aq, partiia Töraǧasy Memleket basşysynyŋ «Taza Qazaqstan» bastamasyn ıske asyru, eŋbek adamdaryna qoldau körsetu jäne Jūmysşy mamandyqtary jyly şeŋberınde jūmysşy kadrlardy daiarlau, sondai-aq aldaǧy Ūly Jeŋıstıŋ 80 jyldyǧyn merekeleu boiynşa BPŪ-nyŋ belsendı jūmys ısteuınıŋ maŋyzyna toqtaldy.
Erlan Qoşanov partiia ärqaşan halyqtyŋ janynan tabyluy kerek ekenın atap öttı. Ol qoǧamdyq qabyldau bölmelerınıŋ jūmysyn küşeituge şaqyryp, ırı käsıporyndar men öndırıs oryndarynda köşpelı formatta azamattardy qabyldaudy ūsyndy. Mūndai täsıl tūrǧyndardy tolǧandyrǧan mäselelerdı jedel, tıkelei sol jerde şeşuge jäne halyqpen barynşa tiımdı özara qarym-qatynas ornatuǧa mümkındık beredı.
Kezdesude BPŪ-nyŋ oŋ täjıribelerı atap ötıldı. Batys Qazaqstan oblysyndaǧy «Aqsaigazservis» bastauyş partiia ūiymy su tasqynynan zardap şekken azamattarǧa arnap öz qarajaty esebınen 42 tūrǧyn üi saldy. Atyrau oblysyndaǧy belsendıler ūzyndyǧy 21 şaqyrymdy qūraityn böget tūrǧyzyp, öŋırdı su basudan saqtap qaldy. Mūndai mysaldar BPŪ-nyŋ joǧarydan nūsqau berudı kütpesten, qiyn jaǧdaida adamdarǧa ärdaiym kömekke keluge daiyn naqty küş ekenın däleldeidı.
Būdan soŋ, baiqau qorytyndysy jariialandy. Qazylar alqasynyŋ şeşımımen Almaty oblysyndaǧy «Firma «Bent» BPŪ, Astanadaǧy «Balalardy oŋaltudyŋ ūlttyq ortalyǧy» KEAQ BPŪ jäne Şymkenttegı «Bılım jäne ǧylym» BPŪ üzdık bastauyş partiia ūiymy retınde tanyldy. Al qoǧamdyq qabyldau bölmelerı arasynda partiianyŋ Türkıstan oblystyq filialynyŋ qoǧamdyq qabyldau bölmesı men partiianyŋ Almaty qalasy Alatau audandyq filialynyŋ qoǧamdyq qabyldau bölmesı jeŋıske jettı. Sondai-aq, halyqqa zaŋgerlık kömek körsetuge baǧyttalǧan «Qūqyqtyq kömek» jobasyn jüzege asyruda erekşe jetıstıkke jetken partiianyŋ Soltüstık Qazaqstan oblystyq filialy men partiianyŋ Atyrau oblysy Qūrmanǧazy audandyq filialynyŋ qoǧamdyq qabyldau bölmelerı üzdık dep tanyldy.
Sonymen qatar, «AMANAT» partiiasynyŋ Töraǧasy türlı salada eŋbek etıp jürgen elımızdıŋ 16 belsendı azamatyna partiia biletın tabystady. Olardyŋ qatarynda Qazaqstannyŋ eŋbek sıŋırgen qairatkerı, jazuşy-dramaturg, Memlekettık syilyqtyŋ laureaty Roza Mūqanova, Düniejüzı qazaqtary qauymdastyǧy töraǧasynyŋ orynbasary Ädılbek Alpysbai, Qazaqstan taekvondo federasiiasynyŋ vise-prezidentı Qairat Düisenov, «Astana Opera» teatrynyŋ solisı Nazym Saǧyntai, «Altyn dombyra» aitysynyŋ jeŋımpazy, aitysker aqyn Meiırbek Sūltanhan, injener-energetik Azamat Tabarov, metallurg İvan Belkov jäne basqa da azamattar bar.
