Qazaqstannyŋ auyldyq jerlerındegı balalar men jasöspırımderdı sportqa baulu jäne būqaralyq sportty damytu baǧytynda jaŋa qadam jasaldy. Timur jäne Dinara Qūlybaevtar negızın qalaǧan Halyk qaiyrymdylyq qory men “Qazaqstannyŋ karate federasiiasynyŋ odaǧy” ZTB arasynda yntymaqtastyq turaly memorandumǧa qol qoiyldy.
Būl kelısım auyldyq aimaqtardaǧy sport infraqūrylymyn jaqsartuǧa, auyl balalary men jasöspırımderın sportqa bauluǧa, būqaralyq sportty damytuǧa, sondai-aq auyldyq jattyqtyruşylardyŋ bılıktılıgın arttyruǧa baǧyttalǧan. Sonymen qatar, būl bastama jas sportşylardy qoldauǧa, olardyŋ äleuetın damytuǧa jäne sporttyq bastamalardy bırlesıp jüzege asyruǧa mümkındık beredı. Qūjatqa Halyk qorynyŋ Atqaruşy direktory Jaqsylyqov Ǧalymbek Jaqsylyqūly jäne "Qazaqstannyŋ karate federasiiasynyŋ odaǧy" ZTB Bas hatşysy Moldaǧali Asqar qol qoidy.
Bügınde elımızdıŋ köptegen auyldyq aimaqtarynda sport infraqūrylymynyŋ jetkılıksızdıgı, jattyqtyruşylar men töreşılerdıŋ tapşylyǧy baiqalady. Osy tūrǧydan alǧanda, AUYL SPORT jobasy – auyl jastarynyŋ sportqa degen qyzyǧuşylyǧyn arttyryp, olardyŋ salauatty ömır saltyn ūstanuyna yqpal etetın maŋyzdy bastama.
Karate federasiiasymen ärıptestık – jobanyŋ damuyna tyŋ serpın beredı
"Qazaqstannyŋ karate federasiiasynyŋ odaǧy" – elımızdegı jetekşı sporttyq ūiymdardyŋ bırı. Onyŋ auyl sportynyŋ damuyna atsalysuy karate sportyn öŋırlerde keŋınen taratuǧa, jas sportşylarǧa täjıribelı jattyqtyruşylardan tälım aluǧa, sondai-aq halyqaralyq standarttarǧa sai sporttyq ıs-şaralar ūiymdastyruǧa mümkındık beredı.
"Bügın karate federasiiasymen jasalǧan memorandum – AUYL SPORT jobasynyŋ odan ärı damuyna zor üles qosatynyna senemın. Būl serıktestık auyldyq jerlerde sporttyŋ damuyna tyŋ serpın berıp, jas sportşylarǧa jaŋa mümkındıkter aşady", – dedı Halyk qorynyŋ Atqaruşy direktory Jaqsylyqov Ǧalymbek Jaqsylyqūly.
Būl memorandum elımızdegı būqaralyq sportty damytu men qaiyrymdylyq mädenietın nyǧaituǧa baǧyttalǧan maŋyzdy qadam. Qūjatqa qol qoiǧan taraptar aldaǧy uaqytta yntymaqtastyqty tereŋdetıp, auyldyq sporttyŋ qoljetımdılıgın arttyru üşın bırlese jūmys ısteitınderın mälımdedı.
Eske salaiyq, AUYL SPORT jobasy 2024 jyly oblystyq deŋgeidegı turnirlerden bastau aldy. Oǧan 200 auyldan 12 myŋnan astam bala men jasöspırım qatysyp, sportqa degen qyzyǧuşylyqtaryn tanytty. Karate – joba aiasynda qamtylǧan alty sport türınıŋ bırı. Jobanyŋ respublikalyq turnirınıŋ finaly elımızdıŋ 17 oblysynan 1300-den astam jas sportşyny bır alaŋda toǧystyryp, auyl sportyn jaŋa deŋgeige köterdı.
Halyk qaiyrymdylyq qory – elımızdıŋ tükpır-tükpırındegı mūqtaj jandardy qoldauǧa jäne halyqtyŋ ömır süru sapasyn jaqsartuǧa baǧyttalǧan äleumettık bastamalarǧa ūdaiy qoldau körsetıp kele jatqan ırı ūiym. Qor auyldaǧy sportty damytuǧa 500 million teŋgege juyq qarjy böldı. Sonymen qatar, osy künge deiın 120-dan astam äleumettık jobany jüzege asyryp, oǧan 85 milliard teŋge kölemınde qarajat jūmsady.
AUYL SPORT jobasy – auyl sportynyŋ jaŋa deŋgeige köterıluıne yqpal etıp, bolaşaq chempiondardyŋ şyǧuyna mümkındık beredı! Timur Qūlybaevtyŋ būl bastamasy auyl balalaryna sport arqyly jaŋa mümkındıkter syilauǧa degen ūmtylysynyŋ jarqyn körınısı.
