Hanbibı Esenqaraqyzy özın aiyptaǧandardy sotqa berdı

Aqyn Hanbibı Esenqaraqyzy belgılı jazuşy Dulat İsabekovtıŋ asynda memlekettık syilyq sūrady dep jalǧan aqparat taratqandardy sotqa berdı, dep habarlaidy “Adyrna” ūlttyq portaly. Onyŋ aituynşa, äleumettık jelıde taraǧan jazbalar şyndyqqa janaspaidy. Äsırese, jazuşy Qūlbek Ergöbektıŋ aitqandary aqynnyŋ ar-ojdanyna nūqsan keltırgen. “Süiekşı-Qūlbek” men turaly: “Dulat İsabekov maqtaǧan prozalyq şyǧarmama Memlekettık syilyq bermedıŋızder” dep qara qazandai ökpesın qaraly jūrttyŋ aldyna aqtara saldy”, – dedı ol. Aqyn özın qaralaǧan jazbalar jelıde keŋ taralǧanyn, olardyŋ astyna köptegen adamdar pıkır qaldyrǧanyn aitty. Osyǧan bailanysty ol sotqa jügınıp, ädıldık ızdeitının jetkızdı. “Maǧan bıraz lauazymdy, qūrmettı adamdar telefon soǧyp, “Ramazan aiynda aityspa” dep basu aitqanmen, menıŋ ar-ojdanyma tüsken daqty, japqan jalany özımnen özge eşkım qorǧai almaidy. Sot prosesınde avtorlar öz qatelıgın moiyndasa, ekı jaqty kelısımge (mediasiia) kelu mümkındıgı bar”, – dedı aqyn. Qazır sot prosesı bastalǧany belgılı boldy. Esenqaraqyzy būl ıstıŋ qalai aiaqtalatyny köpşılıktıŋ ädıl baǧasyna bailanysty ekenın atap öttı.