Metan jarylysy. "Jomart" kenışındegı apattyŋ sebebı anyqtaldy

Ükımettık komissiia "Qazaqmys" korporasiiasyna qarasty "Jomart" kenışınde oryn alǧan jetı adamnyŋ ömırın qiǧan apattyŋ aldyn ala tergeu qorytyndylaryn jariialady, dep habarlaidy "Adyrna" ūlttyq portaly. “Komissiia tau-ken qazbasynan metannyŋ jinaluy men bölınuı, sodan keiın elektr jabdyqtarynyŋ ūşqynynan jarylys boluy siiaqty apattyŋ negızgı sebebın anyqtady. Sondai-aq önerkäsıptık qauıpsızdık pen eŋbektı qorǧau boiynşa aitarlyqtai ereje būzuşylyqtar anyqtalyp, jauapty tūlǧalar toby belgılı boldy” - dep jazylǧan resmi habarlamada. Tergeuge 8 arnaiy podkomissiia qūrylyp, ǧylymi-zertteu instituttary men zerthanalardyŋ mamandary tartylǧan. QR Tötenşe jaǧdailar ministrlıgı, Işkı ıster ministrlıgı, Eŋbek jäne halyqty äleumettık qorǧau ministrlıgı apattyŋ sebepterı boiynşa esepterın ūsynǧan.  Tergeu barysynda kuägerlerden jauap alynyp, öndırıstık tehnologiialar zertteldı, tehnikalyq qūrylǧylardyŋ jūmysqa qabılettılıgı tekserılıp, tiıstı saraptamalar jürgızılgen. Qazırgı uaqytta "Qazaqmys" korporasiiasyna tiesılı kenışte jūmystar uaqytşa toqtatylǧan. "Tergeu jalǧasuda jäne ükımettıŋ baqylauynda", – delıngen resmi habarlamada. 17 aqpanda Ūlytau oblysyndaǧy "Jomart" kenışınde apat bolyp, 7 jūmysşy üiındı astynda qalyp qoiǧan edı.