Astana qalasynyŋ mamandandyrylǧan audanaralyq sotynyŋ ükımımen "Bolaşaq säuletşılerı" qorynyŋ negızın qalauşy Marat Äbiev pen onyŋ sybailastary sottaldy, dep habarlaidy "Adyrna" ūlttyq portaly.
Ol ūiymdasqan qylmystyq topty qūru jäne basqaru, mūnai men mūnai önımderın zaŋsyz satyp alu, satu, saqtau, tasymaldau jäne öŋdeu, ekonomikalyq kontrabanda baptary boiynşa kınälı dep tanylyp, 9 jylǧa bas bostandyǧynan aiyryldy. Sonymen qatar, memlekettık qyzmette ömır boiyna qyzmet etuıne tyiym salynyp, qoǧamdyq bırlestıkterdı qūru jäne basqaru qūqyǧynan 5 jylǧa şettetıldı.
Onyŋ sybailastary 8 jylǧa sottaldy.
Sot ükımımen aiyptaluşylardyŋ mülkı tärkılenıp, kontrabandalyq jolmen alynǧan 6 milliard teŋgeden astam qylmystyq tabysy memleket paidasyna ötkızıldı.
Tergeu barysynda 2018-2022 jyldar aralyǧynda Äbiev pen onyŋ serıktesterı Aqtöbe oblysyndaǧy mūnai öŋdeu zauytynda tyiym salynǧan "K-2" ekologiialyq klasty dizel otynyn öndırıp, 50,6 myŋ tonna önımdı zaŋsyz satyp, 11,3 milliard teŋge paida tapqany anyqtaldy. Onyŋ 22,6 myŋ tonnasy (6,7 milliard teŋgege) şetelge kontrabandalyq jolmen şyǧarylǧan.
Zaŋsyz mūnai ainalymynan tüsken qarajat "Genesis" (nemese "Bolaşaq säuletşılerı") atty zaŋsyz qoǧamdyq bırlestıktıŋ qyzmetın qarjylandyruǧa jūmsalǧan. Ony qūryp basqarǧany üşın 2023 jyldyŋ 21 tamyzynda Äbiev 7 jylǧa sottalǧan bolatyn.
Sot ükımı älı zaŋdy küşıne engen joq.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz