Mäjılıs deputaty Jarqynbek Amantaiūly Qazaqstan Respublikasy Premer-Ministrınıŋ bırınşı orynbasary Roman Skliarǧa jäne Premer-Ministrdıŋ orynbasary Ermek Köşerbaevqa joldaǧan deputattyq saualynda jasöspırımderdıŋ äleumettık jelılerge täueldılıgı mäselesın köterdı.
Ol älemdık täjıribenı mysalǧa keltıre otyryp, äleumettık jelılerdıŋ balalarǧa ziiandy äserın atap öttı. Halyqaralyq zertteulerge säikes, internetke täueldılık jastar arasynda depressiiany küşeitıp, nazar audaru qabıletın tömendetıp, adamdar arasyndaǧy şynaiy qarym-qatynasty älsıretedı.
Deputattyŋ mälımetınşe, Qazaqstanda balalardyŋ 88%-ynda jeke smartfon bar, al olardyŋ 28%-y barlyq bos uaqytyn gadjette ötkızedı. Sonymen qatar, jasöspırımderdıŋ 74%-y TikTok, 59%-y YouTube, 57%-y Instagram jelılerın belsendı qoldanady. Ata-analardyŋ 62%-y balalardyŋ ekran aldyndaǧy uaqytyn baqylamaidy, būl olardyŋ qauıpsızdıgıne qater töndıredı.
Älemdık täjıribede bırqatar elder jasöspırımderdıŋ internetke qoljetımdılıgın şekteudı zaŋnamalyq deŋgeide rettegen. Qytai 2023 jyly balalardyŋ keşkı 22:00-den taŋǧy 6:00-ge deiın smartfon paidalanuǧa tyiym salatyn zaŋ jobasyn ūsyndy. Fransiia 15 jasqa deiıngı oquşylardyŋ mektepterde telefon paidalanuyna şekteu qoidy. Oŋtüstık Koreia men Kanadada internetke täueldı balalardy emdeitın arnaiy sauyqtyru ortalyqtary jūmys ısteidı.
Osyǧan bailanysty, deputat Qazaqstanda jasöspırımderdıŋ äleumettık jelılerdı paidalanuyn zaŋmen retteudı ūsyndy.
