«Qazaqmys» korporasiiasy qaitys bolǧan kenşılerdıŋ ekınşı deŋgeilı bankter men mikroqarjy ūiymdary aldyndaǧy negızgı qaryzdaryn ötep berdı, dep habarlaidy "Adyrna" ūlttyq portaly.
Būl maqsatqa jalpy 90 million teŋge bölıngen. Qalǧan bereşekterın otbasylar öz betınşe öteuı qajet.
Būǧan deiın kompaniia marqūm kenşılerdıŋ otbasyna 10 jyldyq jalaqy mölşerınde ötemaqy (84-142 mln teŋge), jerleu räsımıne 550 AEK (2,2 mln teŋge) järdemaqy tölegen bolatyn.
Sondai-aq, "KM Life" saqtandyru kompaniiasy är otbasyna 100 AEK kölemınde jerleu şyǧynyn ötedı.
Kenşılerdıŋ balalary 23 jasqa tolǧanǧa deiın ai saiyn 524 myŋnan 921 myŋ teŋgege deiın saqtandyru tölemın alady. Būl tölemder jyl saiyn infliasiiaǧa bailanysty indeksteledı.
Qazırgı uaqytta kenşılerdıŋ tuystaryn jūmysqa ornalastyru jäne joǧary oqu oryndarynda oqityn student balalarynyŋ oqu aqysyn töleu mäselesı qarastyryluda.
