İlon Masktyŋ amerikalyq kosmostyq kompaniiasy SpaceX-tıŋ Starship zymyrany taǧy da Tehastyŋ Boka-Chika kosmodromynan synaq ūşyruynan keiın jaryldy. Segızınşı synaq ūşuy bastalǧannan keiın şamamen 10 minut ötkende, zymyrannyŋ köterıluı aiaqtaluǧa 20 sekund qalǧanda bailanys üzıldı. Būl turaly 7 nauryzda tünde SpaceX mälımdedı, dep habarlaidy “Adyrna” ūlttyq portaly.
Karib teŋızınıŋ üstınde bolǧan jarylys Florida ştatynyŋ bölıkterınen körındı, dep habarlaidy CNN. Kompaniia mälımetınşe, zymyrannyŋ bırneşe qozǧaltqyşy öşıp qalǧan, sodan keiın ol jarylǧan.
Qaita paidalanuǧa bolatyn bırınşı kezeŋ - Super Heavy zymyran-tasyǧyşy josparlanǧandai Jerge oraldy jäne ūşyru keşenıne sättı qondy. SpaceX kompaniiasy Starship kemesınıŋ aldyŋǧy synaq ūşyru kezınde de osyndai jaǧdai oryn alǧanyn aitty. Kompaniia äue qozǧalysyn basqaru organdarymen tyǧyz jūmys ısteitının mälımdedı.
Jarylysqa bailanysty AQŞ-tyŋ Azamattyq aviasiia basqarmasy (FAA) Florida ştatyndaǧy bırneşe äuejaida ūşuǧa şekteu qoidy, sonyŋ ışınde Maiami, Orlando, Palm-Bich jäne Fort-Loderdeil äuejailary da bar. Vedomstvo SpaceX-tıŋ insident boiynşa bırlesken tergeu jürgızuın talap ettı. Saldary zymyran ūşyrulardyŋ ary qarai jalǧasuyna äser etetın bolady.
Būl Starship zymyranynyŋ ekınşı ret qatarynan jaryluy. Aldyŋǧy jetınşı synaq ūşuy da sätsız aiaqtalǧan.
Qaŋtar aiynyŋ ortasynda zymyrannyŋ bırınşı qaita paidalanuǧa bolatyn satysy kemenı orbitaǧa şyǧaryp, Jerge oraldy, al joǧarǧy saty aspanǧa bölınıp, barlyq alty Raptor qozǧaltqyşyn ıske qosty.
Sodan keiın zymyranmen bailanys üzılıp, jaryldy jäne bölşekterı Karib teŋızındegı Terks jäne Kaikos araldaryna tüstı. Osydan keiın FAA ūşu şekteulerın engızdı.
Segızınşı synaq ūşuy 4 nauryzǧa josparlanǧan bolatyn, bıraq tehnikalyq aqauǧa bailanysty 40 sekund qalǧanda ūşu toqtatyldy.
Starship - tarihtaǧy eŋ ülken jäne eŋ quatty zymyran. 70 metrlık Super Heavy bırınşı satysynan jäne qosymşa qozǧaltqyştary bar 50 metrlık Starship ǧaryş kemesınen tūratyn jüienıŋ jalpy jobalyq jüktemesı 150 tonnany qūraidy.
NASA būl joba arqyly Aiǧa jäne Jer orbitasyna pilottyq ūşulardy qaita bastauǧa ümıttenedı. İlon Mask 2026 jyly osy zymyranmen adamdardy Marsqa jıberudı josparlap otyr.
