Qazaqstanda üş künge sozylǧan "Qaru" jedel-profilaktikalyq şarasy barysynda 30-dan astam jasyryn qaru qoimasy tabylyp, 360 atys qaruy, 12 granata jäne üş myŋnan astam oq-därı tärkılendı, dep habarlaidy "Adyrna" ūlttyq portaly Polisia.kz-ke sılteme jasap.
Ministrlıktıŋ mälımetınşe, tärkılengen qaru-jaraqtardyŋ ışınde būryn ūrlanǧan jetı qaru anyqtalǧan, onyŋ törteuı Qaŋtar oqiǧasy kezınde qoldy bolǧan.
"Būryn joǧalǧan alty qaru tärkılenıp, 14 qaru erıktı türde tapsyryldy", - dedı IIM kriminaldyq polisiia departamentınıŋ bastyǧy Qanat Nūrmaǧambetov.
Operasiia barysynda 120 zaŋsyz qaru saqtau jäne alyp jüru faktısı anyqtalyp, 200 adam äkımşılık jauapkerşılıkke tartylǧan.
IIM azamattarǧa qarudy kez kelgen uaqytta erıktı türde tapsyru mümkındıgı bar ekenın jäne būl üşın eşqandai qūqyqtyq saldar bolmaitynyn eske salady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz