14 aidan keiın. AQŞ-tyŋ ǧaryş ūşaǧy Jerge oraldy

Amerikalyq Boeing X-37B ǧaryş ūşaǧy 14 ai boiy orbitada bırqatar täjıribeler jürgızıp, Jerge oraldy, dep habarlaidy "Adyrna" ūlttyq portaly DW-ge sılteme jasap. Būl turaly AQŞ ǧaryş küşterı mälımdedı. Orbitalyq apparat ǧaryşta 434 kün bolyp, AQŞ ǧaryş küşterınıŋ ǧaryştyq orta turaly tüsınıgın keŋeituge baǧyttalǧan ǧylymi eksperimentter oryndaǧan. – Būl tehnologiialar ǧaryş operasiialaryn jürgızu qabıletımızdı arttyru üşın öte maŋyzdy, – delıngen vedomstvo habarlamasynda. X-37B 2023 jyldyŋ 29 jeltoqsanynda Floridadaǧy Kanaveral müiısınen ūşyrylǧan. Ol alǧaş ret SpaceX kompaniiasynyŋ Falcon Heavy asa auyr zymyrany arqyly orbitaǧa şyǧaryldy. Būl apparat adam basqaratyn ǧaryş kemesınıŋ şaǧyn nūsqasyna ūqsaidy. Ūzyndyǧy – 9 metr, qanatynyŋ keŋdıgı – 4,5 metr, al ūşyrylu kezındegı salmaǧy şamamen 5 tonna. X-37B kün batareialarynan quat alady jäne ǧaryştan qaitarylǧan soŋ ūşaq tärızdı qonady. Būl apparat 2010 jyldan berı AQŞ Qorǧanys ministrlıgı üşın qyzmet etude. Ony Boeing jäne Lockheed Martin bırlesken käsıporny – United Launch Alliance äzırlegen.