AQŞ resmi türde USAID baǧdarlamalarynyŋ 83 paiyzyn toqtatady. Būl turaly bügın, 10 nauryzda memlekettık hatşy Marko Rubio mälımdedı, dep habarlaidy «Adyrna» tılşısı.
Aituynşa, qūny ondaǧan milliard dollardy qūraityn 5200 kelısımşarttyŋ küşı joiylǧan.
«Olar Amerika Qūrama Ştattarynyŋ negızgı ūlttyq müddelerıne qyzmet etpedı jäne keibır jaǧdaida öz ziianyn da tigızdı»,— dedı Rubio.
Memlekettık hatşy Kongrespen jürgızılgen konsultasiialardan keiın qalǧan şamamen 1000 baǧdarlama AQŞ memlekettık departamentınıŋ tıkelei basqaruyna ötetının atap öttı.
Eske salaiyq, aqpan aiynyŋ soŋynda Donald Tramp äkımşılıgı USAID agenttıgınıŋ kelısımşarttarynyŋ 90%-dan astamyn joiudy josparlap otyrǧanyn jetkızgen edı.
«Būl agenttıkke bır top radikal basşylyq etedı. Bız olardy jūmystan bosatamyz, sodan keiın şeşım qabyldaimyz»,— degen bolatyn AQŞ prezidentı.
Al İlon Mask basqaratyn DOGE ūiymy USAID qarjysy negızsız jaratylǧan dep şeştı.
USAID —azamattyq syrtqy kömek pen damu salasyndaǧy yntymaqtastyqty basqaruǧa jauapty halyqaralyq damu agenttıgı. Onyŋ jyldyq biudjetı 42,8 milliard dollardy qūraidy. Agenttık 100-den astam elde, onyŋ ışınde Qazaqstanda da jūmys ısteidı.