Almatyda psihikalyq sauyqtyru ortalyǧynyŋ jalǧyzbasty nauqastaryn ūrlap, öltırıp, olardyŋ päterlerın zaŋsyz satumen ainalysqan ūiymdasqan qylmystyq toptyŋ müşelerı sottaldy, dep habarlaidy "Adyrna" ūlttyq portaly Orda.kz-ke sılteme jasap.
Sot prosesı 7 aiǧa sozylyp, 37 qylmystyq epizod qaraldy. Tergeu barysynda 22 aiyptaluşynyŋ ekı kısı öltıru, psihikalyq nauqastardy ūrlau, olardyŋ päterlerın zaŋsyz özge adamdarǧa räsımdeu jäne arzan baǧaǧa satu äreketterıne qatysy bary däleldendı.
Sot ükımı boiynşa aiyptaluşylar 3 jyldan 18 jylǧa deiın bas bostandyǧynan aiyryldy.
Tergeu anyqtaǧandai, qylmystyq top psihikalyq nauqastar turaly mälımetterdı Psihikalyq densaulyq ortalyǧynyŋ qyzmetkerlerı bölım meŋgeruşılerı arqyly alǧan. Olar nauqastardyŋ jeke derekterı men päter kıltterın qylmystyq top müşelerıne berıp otyrǧan.
Advokattar men jäbırlenuşıler sot şeşımımen kelısetınderın mälımdedı. Aiyptaluşylardyŋ keibırı öz kınäsın moiyndaǧan joq, sot ükımıne şaǧym tüsıruı mümkın. Qazır tergeu organdary osy ıske qatysty taǧy ekı kısı öltıru faktısı boiynşa tergeudı jalǧastyruda.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz