Hromtauda jarylys kezınde küiık alǧan şahter dünie saldy

Hromtaudaǧy şahtada jaraqat alǧan şahter qaitys boldy, dep habarlaidy "Adyrna" ūlttyq portaly «Diapazon» basylymyna sıltep. «Küiık şalǧan ekı er adam Hromtau auruhanasynyŋ travmatologiia bölımıne jatqyzyldy, bıreuı üiıne jıberıldı, taǧy bır adam reanimasiiaǧa tüsıp, keiın sanitarlyq aviasiia arqyly oblystyq köpsalaly auruhanaǧa jetkızıldı», – delıngen habarlamada. Belgılı bolǧandai, er adam 28 aqpanda «Bolaşaq» şahtasynda üş ärıptesımen bırge jaraqat alǧan. Olar būrǧylau jūmystary kezınde türlı därejedegı küiık alǧan. Şahtada qysqa merzımdı aua qospasynyŋ tūtanuy oryn alǧan. Jaraqat alǧan jūmysşylar bırden jer betıne şyǧarylyp, şahtada bolǧan 228 adam qauıpsız jerge evakuasiialandy. Qazırgı uaqytta şahta jūmysy uaqytşa toqtatylǧan. «Nauqasqa qarqyndy şokqa qarsy terapiia men kombustiologiialyq kömek körsetıldı. Ol jasandy tynys alu apparatyna qosyldy. Alaida 7 nauryzda qaitys boldy», – dep habarlady densaulyq saqtau basqarmasy. Hromtau audandyq auruhanasy qalǧan ekı zardap şekken adamnyŋ üiıne şyǧarylǧanyn mälımdedı. Qazırgı taŋda polisiia būl oqiǧaǧa qatysty «Tau-ken nemese qūrylys jūmystary kezınde qauıpsızdık erejelerın būzu» baby boiynşa sotqa deiıngı tergeu jürgızıp jatyr.