12 nauryzdaǧy mälımetke säikes, Qazaqstanda salyq töleuşıler biudjetke 17 mlrd teŋge audarǧan. Būl somanyŋ ışınde BI Group jäne BAZIS kompaniialarynyŋ tölemderı bar, dep habarlaidy "Adyrna" ūlttyq portaly Qarjy ministrlıgınıŋ baspasöz qyzmetıne sıltep.
«Qazaqstan Respublikasy Qarjy ministrlıgı Memlekettık kırıster komitetı (MKK) jalpyǧa bırdei belgılengen rejimde jūmys ısteitın jäne salyqtyq mındettemelerın jeke käsıpkerlermen özara esep aiyrysu arqyly oŋtailandyratyn salyq töleuşılerdı äkımşılendırudı jalǧastyruda. 12 nauryzdaǧy jaǧdai boiynşa salyq töleuşıler qosymşa esep beru nysandaryn tapsyryp, salyqtaryn tölep jatyr. Qazırdıŋ özınde 17 mlrd teŋge tölendı, onyŋ ışınde BI Group jäne BAZIS kompaniialary da bar. Derekterdı salystyru jūmystary jalǧasuda», – delıngen habarlamada.
Kırıstı tömendetu belgılerı boiynşa 633 salyq töleuşıge habarlama jıberılgen. Olardyŋ 172-sı qūrylys salasynda jūmys ısteidı, sonyŋ ışınde barlyq ırı qūrylys kompaniialary bar, al 102-sı sauda salasynda qyzmet etedı.
Keibır kompaniialar MKK-ge qūrylys salasyndaǧy köleŋkelı shemalarmen küresu jäne qarjy ainalymynyŋ aşyqtyǧyn arttyru maqsatynda sifrlyq şeşımderdı äzırleudı qarjylandyrudy ūsyndy.
MKK eger habarlamalar oryndalmasa, keşendı salyqtyq tekseruler bastaluy mümkın ekenın eskerttı.
Eske sala keteiık, 28 aqpanda Qazaqstan premer-ministrı Oljas Bektenov BI Group jäne BAZIS siiaqty ırı biznes ökılderıne qataŋ eskertu jasap, salyqtaryn töleuge ekı apta uaqyt bergen edı. Keiın BI Group salyq tölemderı boiynşa mälımdeme jasady.
