Lenin kinoteatry jastardy jūmyldyratyn ortalyqqa ainalady. Qaraǧandy oblysynyŋ äkımı Ermaǧanbet Bölekpaevtyŋ tapsyrmasy boiynşa mūnda Jastar üiı aşylady.
Jastar keŋesınıŋ biylǧy bırınşı otyrysynda memlekettık saiasatty jüzege asyru jäne şyǧarmaşylyq ortany damytu mäselelerı qaraldy.
Jastar saiasaty mäselelerı basqarmasynyŋ basşysy Aisūlu Erniiazova biylǧy josparlar turaly aityp berdı. Ol köptegen jobalarǧa jaŋa serpın berudı ūsynady.
– Baǧdarlamada jastarmen būryn ıske qosylmaǧan jobalardy küşeituge jäne ıske asyruǧa basa nazar audarylatyn bolady, – dep atap öttı Aisūlu Erniiazova. – Ol üşın bılım beru mekemelerın, bilık organdaryn, biznes-qoǧamdastyqty jäne, ärine, jastardyŋ özın qosa alǧanda, türlı müddelı taraptar arasynda tiımdı kommunikasiia ornatu qajet. Jastardyŋ özderın qoǧamnyŋ bır bölıgı retınde sezınuı jäne onyŋ damuyna belsene qatysuǧa daiyn boluy üşın senım, aşyqtyq jäne özara qūrmet atmosferasyn qūru maŋyzdy.
"Taldau mektebı. QRG" jobasy jastar arasynda taldau daǧdylary men syn tūrǧysynan oilaudy damytuǧa baǧyttalǧan. Al «Ūlt qazynasy» jobasy talantty auyl jastary üşın jaŋa tiımdı äleumettık lift bolady. Sondai-aq, jas sarapşylar üşın Elim deitin erler pıkırtalas alaŋyn qūru jäne Saryarqa Jastary brendın tanymal etuge basa nazar audaru josparda bar.
Aimaq äkımı basqarma basşysynyŋ bastamalaryn qoldap, qazır jastar mäselesıne jaŋa közqaras qajet ekenın atap öttı.
– Elımızdıŋ bolaşaǧy jastardyŋ qolynda. Jaqynda Astanada ötken Jastar forumynda Memleket basşysy elımızdıŋ bolaşaǧy aqyly ötkır, bılımı tereŋ jäne zamanaui közqarasy bar jastardyŋ qolynda ekenın atap öttı, – deidı Ermaǧanbet Bölekpaev. – Sondyqtan memlekettık saiasat jaŋa däuırdıŋ adamdaryna beiımdeluı tiıs. Ol üşın bızge mobildı, bılımdı jäne şyǧarmaşyl jastarmen jūmys ısteu ädısterın özgertu qajet.
Şyǧarmaşylyq jastarǧa keletın bolsaq, biyl onyŋ jaŋa keŋıstıgı paida bolady.
«STARTKINO» QB töraǧasy, oblystyq mäslihat deputaty Arman Älımjanovtyŋ eldegı kreativtı industriiany damytu jäne öŋırdegı osy baǧytty qoldau üşın jasalatyn qadamdar turaly sözınen keiın oblys äkımı «Saryjailau» kinoteatrynyŋ bazasynda Kreativtı keŋıstıktı damytu jönındegı resurstyq ortalyq qūrudy tapsyrdy.
– Kreativtı industriia – älemdık ekonomikanyŋ qarqyndy damyp kele jatqan salasy, ol qosymşa qūn men jaŋa jūmys oryndaryn qūrady. Bızdıŋ oblystyŋ da osy tūrǧydan belgılı bır äleuetı bar. Bızde daryndy jäne äleuettı jastar köp, – dep atap öttı öŋır basşysy. – Bızdıŋ mındetımız – olarǧa öz ideialaryn damytu jäne ıske asyru üşın qajettı jaǧdailar men mümkındıkter jasau.
Bıraq qazırgı jastar şyǧarmaşylyqpen ǧana ömır sürmeidı. Ötken jyldyŋ qorytyndysy boiynşa Qaraǧandy oblysy «Jasyl el» qozǧalysyn qamtu boiynşa bırınşı orynǧa şyqty.
Oblys äkımı atap ötkendei, osy joba aiasynda öŋırdı kögaldandyrumen ainalysyp qana qoimai, jūmysşy mamandyqtaryn da üiretu qajet. NEET sanatyndaǧy jastarǧa, iaǧni oqymaityn jäne jūmys ıstemeitın jastarǧa erekşe nazar audaru kerek.
Jastar keŋesı otyrysynyŋ qorytyndysy boiynşa Ermaǧanbet Bölekpaev jūmys josparlaryn, tiımdılık indikatorlaryn pysyqtai otyryp, qalalar men audandarda komiuniti-ortalyqtar aşudy tapsyrdy. Sondai-aq KPI jüiesıne jastar saiasatyn ıske asyru boiynşa qalalar men audandar äkımderınıŋ jūmysyn engızu.
Eŋ bastysy – qazırgı zamanǧy talaptardy eskere otyryp, jastarmen jūmys ısteu täsılderın özgertu. Barlyq ıs-şaralardy mūqiiat ūiymdastyru qajet, olar eleulı nätijeler berıp, jastarǧa paida äkeluı tiıs. Qazırgı jastar jai ūrandar men bos sözderdı kötere almaidy.
