Ūlttyq kino ortalyǧynyŋ konkursyna 400-den asa ötınım tüstı

Ūlttyq kinony qoldau ortalyǧy memlekettık qoldauǧa ümıtker kinojobalardy ırıkteudıŋ bırınşı kezeŋıne ssenariiler men ssenarii josparlaryn qabyldaudyŋ aiaqtalǧanyn habarlaidy. Elektrondy türde tırkelgen ötınımderdıŋ jalpy sany – 444. «2025 jyly animasiialyq, derektı jäne oiyn filmderınıŋ ärtürlı sanattary boiynşa bırşama ötınım kelıp tüstı. Animasiia salasynda 42 ötınım berılgen. Derektı-hronikaly filmder sanatynda 103 ötınım tüstı. Oiyn filmderıne keletın bolsaq, 299 ötınım kelgen. Qūjattardy qabyldau aiaqtalǧannan keiın Ortalyq ötınış beruşıler ūsynǧan qūjattardy Saraptama keŋesınıŋ qarauyna engızedı. Ssenariilerdı nemese ssenarii josparlaryn Saraptama keŋesınıŋ müşelerı film türlerı boiynşa seksiialarda qarastyrady. Keŋes qūramy 20 jūmys künı ışınde basym taqyryptarǧa,  siujettıŋ qūrylymy men dramaturgiia prinsipterı sekıldı basty talaptarǧa nazar audaryp, ötınımderdı qarap şyǧady. Ekınşı kezeŋde Saraptama keŋesı ūsynǧan jobalardyŋ qūjattar paketı jinaqtalady. Būl rette qate oryn alsa, ony tüzeuge 3 kün uaqyt berıledı», – dep habarlaidy Kino ortalyǧynyŋ baspasöz qyzmetı. Aita keteiık, biyl konkurstyŋ bırınşı kezeŋıne qatysu üşın ötınım qabyldau 5-13 nauryz  (12 nauryz saǧat 23:59) aralyǧynda jürgızıldı. Būǧan deiın qaŋtar aiynda kino tüsıruge arnalǧan basym taqyryptar jariialandy. Sonymen qatar Kino ortalyǧy janynan konsultasiialyq qoldau şaralary jürgızılude. Kino ortalyǧynyŋ keŋsesınde jeke konsultasiialar, telefon qoŋyraulary arqyly sūraqtarǧa jauap berıldı, äleumettık jelıde jaŋa erejege, konkursqa qatysty qajettı mälımetter jariialanyp keledı.