Nauryz meiramy qarsaŋynda Astana qalasyndaǧy servis jäne turizm kolledj ūjymy ūmytylyp bara jatqan qazaqtyŋ dästürlı taǧamy – jenttı daiyndaudy qolǧa aldy, dep habarlaidy «Adyrna» tılşısı elorda äkımdıgıne sılteme jasap.
«Būl şaraǧa 15 öndırıstık oqytu şeberı, 31 oqytuşy jäne 55 student belsendı türde qatysyp, ūlttyq taǧamdy äzırleudıŋ qyr-syryn meŋgerude. Daiyn önımnıŋ kölemı de taŋǧalarlyq: jentke 50 kg talqan qoldanyldy. Onyŋ jalpy ūzyndyǧy – 15 metr, enı – 30 sm, al biıktıgı – 4 sm. Jalpy salmaǧy – 150 kg juyq»,—delıngen habarlamada.
Aita keteiık, jent — qazaqtyŋ asa şeberlıkpen jasaityn ärı öte dämdı, taǧamdyq närı mol jeŋsık taǧamdardyŋ bırı. Jent qysta qatpaidy, jazda būzylmaidy, ärqaşan dämı men närın saqtaidy. Soǧan orai köşpelı halyqtyŋ dastarqanynan ülken oryn alǧan.
