Izdeudegı Arǧyn Nyǧmatulinnıŋ tergeuden būryn elden şyǧyp ketkenı anyqtaldy

Qazaqstan Respublikasy sybailas jemqorlyqqa qarsy ıs-qimyl agenttıgı töraǧasynyŋ orynbasary Darhan Qūraqbaevtyŋ mälımdeuınşe, Arǧyn Nyǧmatulin elden tergeu bastalmai tūryp şyǧyp ketken, dep habarlaidy "Adyrna" ūlttyq portaly. Qūraqbaev būl turaly Senat otyrysynyŋ kuluarynda aitty. "Antikor Nyǧmatulinge qatysty tergeu jürgızıp jatqan joq. Būl ıstı basqa memlekettık organ tergep jatyr, sondyqtan bız tüsınıkteme bere almaimyz. Bız tek ızdestıru şaralaryn jüzege asyrudamyz", — dedı agenttık ökılı. Jurnalister Nyǧmatulinnıŋ qai elde ekenı anyqtalǧanyn sūraǧanda, Qūraqbaev onyŋ Qazaqstannan äldeqaşan şyǧyp ketkenın aitty. "Bız onyŋ elde joq ekenın naqty bılemız. Ol tergeu bastalmai tūryp ketıp qalǧan. Qazırgı uaqytta ony ızdestıru jäne elge qaitaru boiynşa şaralar jürgızılude. Ol halyqaralyq ızdeuge jariialanǧan", — dep mälımdedı Qūraqbaev. Būǧan deiın Bas prokuratura Arǧyn Nyǧmatulin men basqa da tūlǧalarǧa qatysty Qylmystyq kodekstıŋ 189-baby 4-bölıgınıŋ 2-tarmaǧy ("Senıp tapsyrylǧan böten mülıktı iemdenu nemese talan-tarajǧa salu") boiynşa tergeu jürgızılıp jatqanyn habarlaǧan bolatyn. Sot Nyǧmatulinge qamauǧa alu türındegı būltartpau şarasyn sanksiialap, ony ızdeuge jariialady. Atalǧan bapqa säikes, kınälı tūlǧa 7 jyldan 12 jylǧa deiın bas bostandyǧynan aiyrylyp, mülkı tärkılenuı mümkın. Sondai-aq, belgılı bır lauazymdardy atqaruǧa tyiym salynady. Qūqyqtyq statistika organdarynyŋ saitynda Nyǧmatulinge ızdeu jariialanǧany turaly aqparat būryn da jariialanǧan edı.