Makinskıdegı su tasqyny: jaǧdaiǧa qatysty bilık tüsınıkteme berdı

Makinsk qalasynda su tasqyny oryn alyp, sonyŋ saldarynan qaladaǧy bır mektepte sabaqtar uaqytşa toqtatyldy. Äleumettık jelılerde su tasqyny qaupı turaly aqparat taralǧan soŋ, jergılıktı tūrǧyndar bilık ökılderınen resmi tüsınıkteme küttı. №1 orta mektep aumaǧynda su aǧatyn drenajdyq kanava ornalasqan, ol jyl saiyn erıgen qar men jaŋbyr suynyŋ aǧynyn ötkızu üşın qoldanylady. Būl tabiǧi prosess qalypty jaǧdai bolyp sanalady jäne su būru jüiesınıŋ bır bölıgı bolyp tabylady. Jergılıktı atqaruşy organdar men tötenşe jaǧdailar qyzmetınıŋ mälımetınşe, kanal arnasy uaqytyly tazartylǧan, al mektep ǧimaratyn su basu qaupı joq. "Qauıpsızdık maqsatynda bırınşı jäne ekınşı auysymdaǧy oquşylardy qaşyqtan oqytu formatyna auystyru turaly şeşım qabyldandy. Mektepte täulık boiy kezekşılık ūiymdastyrylyp, jaǧdai jergılıktı bilıktıŋ baqylauynda tūr", – dep habarlady Aqmola oblysynyŋ bılım basqarmasy. Aita keteiık, audan aumaǧynda Makinsk qalasyn qosa alǧanda, su tasqyny qaupı joǧary 12 eldı meken bar. Su tasqyny qaupın azaituǧa baǧyttalǧan Keşendı injenerlık qorǧau jospary aiasynda 23 aldyn alu şarasy jüzege asyryldy. "Makinsk qalasynda ūzyndyǧy 6,6 km aryq jüiesı tazartylyp, tereŋdetıldı, 2,3 km ūzyndyqtaǧy qorǧanys bögetı salyndy, sondai-aq su ötkızu qūbyrlary ornatyldy. Qaladaǧy negızgı köşelerde aryqtardy tazartu, jaǧalaulardy bekıtu jäne drenajdyq jüielerdı jaqsartu jūmystary jürgızıldı", – dep mälımdedı Būlandy audany äkımdıgı. Audanda su tasqynyna qarsy ştab qūrylyp, joldar qardan tazartyldy, aryqtardy kütıp-ūstau boiynşa kelısımşarttar jasaldy. Eger jaǧdai uşyǧa tüsse, zardap şekkenderge arnalǧan evakuasiialyq punktter daiyndalady. Jergılıktı bilık jaǧdaidyŋ tolyq baqylauda ekenın jäne qabyldanǧan şaralardyŋ su tasqynynyŋ saldaryn barynşa azaituǧa kömektesetının mälımdedı.