Milliarder, atyşuly oligarh Aleksandr Maşkevich ömırden öttı

Eurasian Resources Group (ERG) jäne "Euraziialyq qarjy kompaniiasynyŋ" ırı aksionerı Aleksandr Maşkevichtıŋ qaitys bolǧany turaly aqparatty ERG baspasöz qyzmetı rastady, dep habarlaidy "Adyrna" ūlttyq portaly KazTAG-qa sıltep. Eldegı ırı qarjylyq alpauyttyŋ bırı Maşkevich Qazaqstandaǧy eŋ tanymal käsıpkerlerdıŋ bırı boldy. Ol ENRC kompaniiasynyŋ negızın qalauşylardyŋ bırı ärı aksionerı retınde tanymal. Sondai-aq, Eurasian Resources Group (ERG) direktorlar keŋesınıŋ töraǧasy qyzmetın atqardy. Qazaqstanǧa qosa İzrail azamaty ekenı aitylatyn "Qazaq-İzrail oligarhy" atalatyn Aleksandr Maşkevich 72 jasynda qaitys boldy. Onyŋ bailyǧy şamamen 4 milliard dollardy qūraidy. ERG qūramyna "Qazhrom" transūlttyq kompaniiasy, Sokolov-Sarybai tau-ken baiytu öndırıstık bırlestıgı, "Qazaqstan aliuminiiı", Qazaqstan elektroliz zauyty jäne basqa da käsıporyndar kıredı. Biznesmen "Euraziialyq qarjy kompaniiasy" men "Euraziialyq bank" direktorlar keŋesterınıŋ töraǧasy, Qazaqstan Prezidentı janyndaǧy Şeteldık investorlar keŋesınıŋ müşesı, sondai-aq QR at sporty federasiiasynyŋ qūrmettı prezidentı bolǧan. Biznesın 4 qūrlyqta jürgızetın  Aleksandr Maşkeevichtıŋ aiyqpas auyr dertke şaldyǧyp, ūzaq uaqyt auyrǧany belgılı boldy.