Jetısu oblysynyŋ Sarqan audanynda bılım bölımıne qarasty buhgalterler 1,6 milliard teŋge biudjet qarajatyn jymqyrǧany üşın sottaldy, dep habarlaidy "Adyrna" ūlttyq portaly Astana TV-ǧa sıltep.
Antikordyŋ mälımetınşe, Taldyqorǧan qalalyq soty Sarqan audanynyŋ bılım bölımı memlekettık mekemesınıŋ bas buhgalterı men esepşılerı, Qazpoşta AQ audandyq bölımınıŋ bastyǧy, Aidana iasli-baqşasynyŋ uaqytşa meŋgeruşısı jäne Jetısu oblysy Memlekettık kırıster departamentınıŋ kameraldyq baqylau bölımınıŋ basşysyna ükım şyǧardy.
Tergeu nätijesınde tūlǧalar qyzmetkerlerdıŋ jalaqysyna artyq aqşa audaru arqyly memleket qarjysyn jymqyrǧany anyqtaldy. Sonymen qatar, olar auditorlyq tekserıs jürgızbeu maqsatynda şeneunıkke para bermek bolǧan.
Sot şeşımımen bas esepşı 8 jylǧa, ärıptesterı 7 jylǧa bas bostandyǧynan aiyryldy.
Sottalǧandar memlekettık qyzmette jäne kvazimemlekettık sektorda jūmys ısteu qūqyǧynan ömır boiyna aiyryldy. Qazırgı taŋda sot ükımı zaŋdy küşıne engen joq.
Ūqsas jaŋalyqtar
