Jetisý oblysynyń Sarqan aýdanynda bilim bólimine qarasty býhgalterler 1,6 mıllıard teńge bıýdjet qarajatyn jymqyrǵany úshin sottaldy, dep habarlaıdy "Adyrna" ulttyq portaly Astana TV-ǵa siltep.
Antıkordyń málimetinshe, Taldyqorǵan qalalyq soty Sarqan aýdanynyń bilim bólimi memlekettik mekemesiniń bas býhgalteri men esepshileri, Qazposhta AQ aýdandyq bóliminiń bastyǵy, Aıdana ıaslı-baqshasynyń ýaqytsha meńgerýshisi jáne Jetisý oblysy Memlekettik kirister departamentiniń kameraldyq baqylaý bóliminiń basshysyna úkim shyǵardy.
Tergeý nátıjesinde tulǵalar qyzmetkerlerdiń jalaqysyna artyq aqsha aýdarý arqyly memleket qarjysyn jymqyrǵany anyqtaldy. Sonymen qatar, olar aýdıtorlyq tekseris júrgizbeý maqsatynda sheneýnikke para bermek bolǵan.
Sot sheshimimen bas esepshi 8 jylǵa, áriptesteri 7 jylǵa bas bostandyǵynan aıyryldy.
Sottalǵandar memlekettik qyzmette jáne kvazımemlekettik sektorda jumys isteý quqyǵynan ómir boıyna aıyryldy. Qazirgi tańda sot úkimi zańdy kúshine engen joq.
